ഐഡിയ ഉണ്ടോ ജോലിയും ഉണ്ട്, ഓരോ ആശയങ്ങളെയും തൊഴിലവസരമാക്കി മാറ്റുന്ന നാട്

നേമം ബ്ലോക്ക് ഇന്നവേഷൻ ക്ലസ്റ്ററിലൂടെ നൂതന ആശയങ്ങൾ ഉൾപ്പെടുത്തി ബ്ലോക്കിലെ പ്രവർത്തനങ്ങൾ സാധാരണക്കാർക്ക് ഉപകാരപ്രദമാകുന്ന രീതിയിൽ വികസിപ്പിക്കാനായി ബ്ലോക്ക് ഇന്നേവേഷൻ ക്ലസ്റ്റർ പ്രവർത്തനങ്ങൾ ആരംഭിച്ചു. നേമം ബ്ലോക്ക് പഞ്ചായത്ത് പ്രസിഡൻ്റ് അഡ്വ എസ് കെ പ്രീജ യോഗം ഉദ്ഘാടനം ചെയ്തു. പ്രവർത്തനങ്ങളുടെ ആദ്യഘട്ടം എന്ന നിലയിൽ സുസ്ഥിരവികസനത്തിൻ്റെ അടിസ്ഥാനത്തിൽ ശുദ്ധജല തടാകമായ വെള്ളായണി കായലിലെ കുളവാഴകൾ നീക്കം ചെയ്യൽ, ഹാപ്പിനസ് ഇൻഡക്സ് ഉയർത്തുന്നതിന് ഭാഗമായി വയോജനങ്ങൾക്കായി പാർക്ക് നിർമ്മാണം, ഭിന്നശേഷി വിമുക്ത ബ്ലോക്ക് എന്ന രീതിയിലേക്ക് മാറുന്നതിനുള്ള പ്രാഥമിക ഇടപെടൽ, ബ്ലോക്ക് പഞ്ചായത്ത് പരിധിയിലെ സ്ത്രീകളെ ശാക്തീകരിക്കുന്നതിന് ഭാഗമായി പ്ലമ്പിങ്, വയറിങ്, മെക്കാനിക് തുടങ്ങിയ മേഖലകളിലെ നൈപുണ്യ പരിശീലനം തുടങ്ങിയവ നടത്തുന്നതിൻ്റെ വ്യക്തമായ ആക്ഷൻ പ്ലാൻ തയ്യാറാക്കി.

advertisement

ഗവൺമെൻ്റ് പ്രസ്ഥാനങ്ങൾ, അക്കാദമിക് മേഖലകൾ ഇൻഡസ്ട്രീസ് മേഖലകൾ, സിവിൽ സൊസൈറ്റി എന്നീ മേഖലകളെ ഉൾപ്പെടുത്തിയാണ് വികസന പ്രവർത്തനങ്ങൾ നടത്തുക. CSIR-NIIST, വിദ്യാദിരാജ ഹോമിയോപ്പതിക് മെഡിക്കൽ കോളേജ്, ട്രോപ്പിക്കൽ ബൊട്ടാണിക്കൽ ഗാർഡൻ പാലോട്, വിവിധ എഞ്ചിനീറിങ് കോളേജുകൾ എന്നീ സ്ഥാപനങ്ങൾ നിലവിൽ ഈ പ്രവർത്തനങ്ങളിൽ പങ്കാളികളാണ്.