തരംതിരിച്ചുള്ള മാലിന്യ ശേഖരണം, മാലിന്യ നീക്കം ചെയ്യൽ, ഖരമാലിന്യ സംസ്കരണം, ലെഗസി മാലിന്യ നിർമ്മാർജ്ജനം, ബോധവൽക്കരണം, സാനിറ്റേഷൻ-ദ്രവമാലിന്യ സംസ്കരണം, സഫായി മിത്ര സുരക്ഷ, ജി. റേറ്റിംഗ്, ഓ.ഡി.എഫ്. (തുറന്ന മലമൂത്ര വിസർജ്ജന രഹിത) പ്രവർത്തനങ്ങൾ എന്നിവയെ അടിസ്ഥാനപ്പെടുത്തിയാണ് സ്വച്ഛ് സർവേക്ഷൺ റാങ്കിംഗ് നിശ്ചയിക്കുന്നത്.
2023-ലെ സർവേയിൽ ദേശീയ റാങ്കിംഗിൽ 2613-ാം സ്ഥാനത്തായിരുന്ന തിരുവനന്തപുരം നഗരസഭ ഇത്തവണ 89-ാം സ്ഥാനത്തേക്ക് ഉയർന്നു. റാങ്കിംഗിൻ്റെ പ്രധാന ഘടകങ്ങളിലൊന്നായ ഓ.ഡി.എഫ്. സർട്ടിഫിക്കറ്റിൻ്റെ ഏറ്റവും ഉയർന്ന റാങ്കായ വാട്ടർ പ്ലസ് കേരളത്തിൽ ആദ്യമായി തിരുവനന്തപുരം കോർപ്പറേഷന് നേടാനായത് ഈ നേട്ടത്തിലെ പ്രധാന ആകർഷണമാണ്. നഗരസഭയുടെ മികച്ച മാലിന്യ സംസ്കരണ പ്രവർത്തനങ്ങൾക്കും മലിനീകരണ നിയന്ത്രണ പ്രവർത്തനങ്ങൾക്കും ലഭിച്ച അംഗീകാരമായാണ് ഇത് വിലയിരുത്തപ്പെടുന്നത്.
advertisement