Shruti Haasan | 'മദ്യത്തിനടിമയായിരുന്നെങ്കിലും മയക്കുമരുന്ന് ഉപയോഗിച്ചിരുന്നില്ല' തുറന്നുപറഞ്ഞ് നടി ശ്രുതി ഹാസന്‍

ഉലകനായകന്‍ കമല്‍ഹാസന്‍റെ മകള്‍ എന്ന നിലയില്‍ മാത്രമില്ല മികച്ച അഭിനേതാവ്, ഗായിക എന്നീ നിലകളിലും പ്രശസ്തയാണ് ശ്രുതി ഹാസന്‍.

തമിഴ്, തെലുങ്ക്, കന്നട അടക്കമുള്ള ദക്ഷിണേന്ത്യന്‍ ഭാഷകള്‍ക്ക് പുറമെ ബോളിവുഡിലും തന്‍റെതായ ഇടം കണ്ടെത്തിയ ശ്രുതിയെ ഗായിക എന്ന നിലയിലും ഇഷ്ടപ്പെടുന്നവര്‍ ഏറെയാണ്.

തെലുങ്കിൽ ബാലകൃഷ്ണയോടൊപ്പം വീരസിംഹ റെഡ്ഡി, ചിരഞ്ജീവിക്കൊപ്പം വാൾട്ടയർ വീരയ്യ എന്നീ ചിത്രങ്ങളാണ് ശ്രുതി ഹാസന്‍റെതായി ഈ വർഷം ഇതുവരെ പുറത്തിറങ്ങിയത്.  നാനി നായകനായെത്തിയ ഹായ് നാന്നാ എന്ന ചിത്രത്തിൽ ഒരു ​ഗാനരം​ഗത്തിലും അവർ പ്രത്യക്ഷപ്പെട്ടിരുന്നു.

പ്രഭാസ് നായകനാവുന്ന സലാറാണ് ശ്രുതി നായികയായി റിലീസിന് തയ്യാറെടുത്തിരിക്കുന്ന പ്രധാന ചിത്രം. ആദിവി ശേഷ് നായകനാവുന്ന ആക്ഷന്‍ ചിത്രത്തിലും ശ്രുതിയാണ് നായിക.

ജീവിതത്തില്‍ കടന്നുപോയ നല്ലതും മോശവുമായ അനുഭവങ്ങള്‍ തുറന്നുപറയാനുള്ള ആര്‍ജവം പലപ്പോഴും കാണിച്ചിട്ടുള്ള വ്യക്തികൂടിയാണ് ശ്രുതി. 

മദ്യപാന ആസക്തി തന്നെ കീഴ്പ്പെടുത്തിയ നാളുകളെ കുറിച്ച് തുറന്നുപറയുന്ന ശ്രുതി ഹാസനെ കുറിച്ചാണ് സിനിമാ ലോകത്ത് ഏവരും ചര്‍ച്ച ചെയ്യുന്നത്. പ്രമുഖ ദേശീയ മാധ്യമത്തോടായിരുന്നു താരത്തിന്‍റെ തുറന്നുപറച്ചില്‍.

ഏതാണ്ട് എട്ട് വര്‍ഷത്തോളം മദ്യത്തിന് താന്‍ അടിമയായിരുന്നുവെന്നും ഇപ്പോള്‍ മദ്യം പൂര്‍ണ്ണമായി വിട്ടുവെന്നുമാണ് ശ്രുതി ഹാസന്‍ പറയുന്നത്. അതിന്‍റെ കാരണവും നടി വ്യക്തമാക്കുന്നുണ്ട്<span style="color: #333333; font-size: 1rem;">. </span>

പാര്‍ട്ടികള്‍ ഇഷ്ടപ്പെടുന്നയാളാണോ എന്ന ചോദ്യത്തിന് മറുപടി നല്‍കവേയാണ് ശ്രുതി ഇക്കാര്യം പറഞ്ഞത്. മദ്യത്തെ ഇപ്പോള്‍ ജീവിതത്തില്‍ നിന്നും ഒഴിവാക്കിയിരിക്കുകയാണ്. പാര്‍ട്ടികളോട് എതിര്‍പ്പില്ല.

എന്നാല്‍ മദ്യപിക്കാത്ത ഒരാളെ പാര്‍ട്ടികളില്‍ സഹിക്കാന്‍ ബുദ്ധിമുട്ടായിരിക്കും. മദ്യം ഒഴിവാക്കിയതോടെ പശ്ചാത്താപമോ ഹാങ് ഓവറോ ഇല്ലെന്ന് ശ്രുതി പറയുന്നു. അതേസമയം മദ്യപിക്കുന്നവരെ അതിന്‍റെ പേരില്‍ താന്‍ ജഡ്ജ് ചെയ്യില്ലെന്നും ശ്രുതി പറയുന്നു. 

മദ്യപിക്കുമായിരുന്നെങ്കിലും താൻ ഒരിക്കലും മയക്കുമരുന്നിന് അടിമയായിരുന്നില്ലെന്നും എന്നാൽ തന്റെ അടുത്ത സുഹൃത്തുക്കളോടൊപ്പം എപ്പോഴും കുടിക്കാൻ ആഗ്രഹിച്ചിരുന്നുവെന്നും ശ്രുതി പങ്കുവെച്ചു