കുഞ്ഞുവാവയ്ക്ക് പേരിട്ടു; അശ്വതി ശ്രീകാന്തിന്റെ ഇളയമകളുടെ നൂലുകെട്ട് ചടങ്ങു കഴിഞ്ഞു

ഏറെ നാളുകൾക്കു ശേഷം മൂത്ത മകൾ പത്മയ്ക്കു കൂട്ടായെത്തിയ അനിയത്തിവാവയുടെ നൂലുകെട്ട് ചടങ്ങുകളുടെ ചിത്രങ്ങളുമായി നടിയും അവതാരകയുമായ അശ്വതി ശ്രീകാന്ത്. അശ്വതിയും ഭർത്താവു ശ്രീകാന്തും കുടുംബത്തിലെ മുതിർന്നവരും ചേർന്നുള്ള ലളിതമായ ചടങ്ങിലായിരുന്നു നൂലുകെട്ട്

ഒട്ടേറെപ്പേർ കുഞ്ഞിന് ആശംസയുമായി പോസ്റ്റിനു താഴെ കമന്റ് ചെയ്തു. വാവയുടെ പേര് ചേച്ചിയുടെ പേരിന്റെ അർത്ഥം വരുന്നത് തന്നെയാണ്. അച്ഛൻ ശ്രീകാന്ത് ആണ് വാവയുടെ കാതിൽ പേര് ചൊല്ലിവിളിച്ചത് (തുടർന്ന് വായിക്കുക)

കമല ശ്രീകാന്ത് എന്നാണ് കുഞ്ഞിന് നൽകിയ പേര്. നൂലുകെട്ട് ചടങ്ങിന്റെ ഏതാനും ചിത്രങ്ങൾ അശ്വതി ആരാധകരുമായി പങ്കിട്ടു

അശ്വതി ശ്രീകാന്തിന്റെ ഇളയ മകളുടെ നൂലുകെട്ട് ചടങ്ങിൽ നിന്നും (ചിത്രം: ഇൻസ്റ്റഗ്രാം)

അശ്വതി ശ്രീകാന്തിന്റെ ഇളയ മകളുടെ നൂലുകെട്ട് ചടങ്ങിൽ നിന്നും (ചിത്രം: ഇൻസ്റ്റഗ്രാം)

അശ്വതി ശ്രീകാന്തിന്റെ ഇളയ മകളുടെ നൂലുകെട്ട് ചടങ്ങിൽ നിന്നും (ചിത്രം: ഇൻസ്റ്റഗ്രാം)

അശ്വതി ശ്രീകാന്തിന്റെ ഇളയ മകളുടെ നൂലുകെട്ട് ചടങ്ങിൽ നിന്നും (ചിത്രം: ഇൻസ്റ്റഗ്രാം)

തന്റെ അനിയത്തി വാവയ്ക്കൊപ്പമുള്ള ആദ്യ പിറന്നാൾ ആഘോഷമാക്കിയ പത്മയുടെ ചിത്രങ്ങളും അശ്വതി പോസ്റ്റ് ചെയ്തിരുന്നു. അശ്വതിയും ശ്രീകാന്തും പത്മയുടെ കൂട്ടുകാരും ചേർന്നുള്ള കേക്ക് കട്ടിങ് ചടങ്ങിന്റെ ചിത്രങ്ങളാണ് പോസ്റ്റ് ചെയ്തത്. ഈ വേളയിൽ മകൾക്കു വേണ്ടി അശ്വതി ഒരു സ്‌പെഷൽ കുറിപ്പും കരുതിയിരുന്നു

കുഞ്ഞുവാവ അടുത്തു കിടക്കുമ്പോഴൊക്കെ, അത് പത്മയാണെന്നാണ് പാതിയുറക്കത്തിൽ ഇപ്പോഴും എന്റെ തോന്നൽ...അത്രമേൽ അമ്മയോട് ഒട്ടിപ്പിടിച്ചിരുന്ന കുഞ്ഞിപ്പെണ്ണ് എത്ര വേഗമാണ് വളർന്ന് ഒരു എട്ടു വയസ്സുകാരിയായത്...

'എന്റെ കുഞ്ഞു വഴക്കാളി, എത്ര പെട്ടെന്നാണ് ഉത്തരവാദിത്വമുള്ള ചേച്ചിപ്പെണ്ണായത്. ഒരു പാതി മനസ്സിൽ സന്തോഷിക്കുമ്പോഴും ഇത്ര വേഗം വളരേണ്ടിയിരുന്നില്ലെന്ന് മറുപാതി മനസ്സ് പറഞ്ഞു കൊണ്ടേയിരിക്കുന്നു!' ഈ ചിത്രത്തിനൊപ്പം അശ്വതി കുറിച്ച വാക്കുകളാണ്

ഇളയ മകളുമായി വീട്ടിലേക്ക് വന്ന വേളയിലെ അശ്വതിയുടെയും രണ്ടു മക്കളുടെയും ചിത്രം

സെപ്റ്റംബർ മാസത്തിൽ കുഞ്ഞുപിറക്കും എന്ന് കരുതിയെങ്കിലും, അതിലും വളരെ മുൻപ് തന്നെ ആളിങ്ങെത്തി

കൊച്ചിയിലെ ആസ്റ്റർ മെഡിസിറ്റിയിലാണ് അശ്വതി ഇളയ കുഞ്ഞിന് ജന്മം നൽകിയത്. "അമ്മയ്ക്കും കുഞ്ഞിനും സുഖം. അച്ഛനും ചേച്ചി പെണ്ണിനും വല്യ സന്തോഷം," എന്നാണ് വിശേഷം പങ്കിട്ട് ക്യാപ്‌ഷൻ  നൽകിയത്

ഗർഭിണിയായിരിക്കെ ഏറ്റവും ഒടുവിൽ നടന്ന ആഘോഷം അശ്വതിയുടെ ഒൻപതാം വിവാഹ വാർഷികത്തിന്റേതാണ്. ഒൻപതാം വിവാഹ വാർഷികത്തിൽ രസകരമായ ,അതേസമയം തന്നെ ജീവിതഗന്ധിയായ, ഒരു പോസ്റ്റുമായാണ് അശ്വതി എത്തിയത്

'9 വർഷം മുൻപ് ഈ നേരത്ത് ഞങ്ങൾ, വിയർത്ത് കുളിച്ചിട്ടും എക്സ്പ്രഷൻ വാരി വിതറി കല്യാണ ഫോട്ടോയ്ക്ക് പോസ് ചെയ്യുകയോ സ്വന്തം കല്യാണത്തിന്റെ സദ്യയുണ്ണുകയോ ആയിരുന്നിരിക്കണം. സ്റ്റേജ് ഡെക്കറേറ്റ് ചെയ്ത് കുളമാക്കിയവനെ കൈയ്യിൽ കിട്ടിയാൽ ശരിയാക്കുമെന്ന് ശ്രീ പലവട്ടം എന്റെ ചെവിയിൽ പറഞ്ഞത് കണ്ട വീഡിയോ ഗ്രാഫർ ഈ രംഗത്ത് 'ഇത്തിരി നാണം പെണ്ണിൻ കവിളിന്' എന്ന പാട്ടു ചേരുമെന്ന് ഉറപ്പിച്ചു കഴിഞ്ഞിരിക്കും

കാറിൽ കയറിയാലുടനെ നേരത്തെ വാങ്ങി വച്ച മൈഗ്രേയ്‌നിന്റെ ഗുളിക കഴിക്കണം എന്ന് ഞാൻ ഓർക്കുകയായിരുന്നിരിക്കണം. 9 വർഷത്തിനിപ്പുറം ഇപ്പോൾ കെട്ടിയോൻ ഉച്ചയ്ക്ക് വറുക്കാനുള്ള മത്തിയ്ക്ക് മുളക് പുരട്ടുന്നു...

ഉപ്പ് നീയിട്ടാലേ ശരിയാകുവെന്ന് പറഞ്ഞ്, ഗർഭം മുതലെടുത്ത് മൊബൈലിൽ കുത്തിക്കൊണ്ട് സെറ്റിയിൽ ഇരിക്കുന്ന എന്നെ നീട്ടി വിളിക്കുന്നു... ഈ പോസ്റ്റ് ഇട്ടിട്ട് വേണം പോയി ഉപ്പിടാൻ... ജീവിതമല്ലേ...പാകം തെറ്റാതെ നോക്കേണ്ടത് രണ്ട് പേരുടെയും കൂട്ട് ഉത്തരവാദിത്വം ആണല്ലോ...' (പോസ്റ്റ് അവസാനിച്ചു)

അശ്വതി മറ്റേർണിറ്റി ഫോട്ടോഷൂട്ടിൽ മകൾക്കൊപ്പം

അശ്വതി ശ്രീകാന്തിന്റെ മറ്റേർണിറ്റി ഫോട്ടോഷൂട്ട്