Meena Sagar | ഇനി മറച്ചുവെക്കുന്നില്ല, എനിക്ക് ആദ്യമായി ഒരാളോട് അസൂയ തോന്നുന്നു: നടി മീന

നടി മീനയെക്കുറിച്ച് (Meena Sagar) പറയാൻ ആമുഖം വേണ്ട മലയാളി പ്രേക്ഷകർക്ക്. യുവനടിയായിരുന്ന നാളുകൾ മുതൽ അമ്മനടിയായതു വരെയുള്ള കാലങ്ങളിൽ മീന ചെയ്തു ഫലിപ്പിച്ച റോളുകൾ അനവധിയുണ്ട്. ദൃശ്യം സിനിമകളുടെ രണ്ടു ഭാഗങ്ങൾ കൂടി വന്നതോടെ മലയാളികളുടെ പ്രിയപ്പെട്ട റാണിയായി മാറി ഈ തെന്നിന്ത്യൻ സുന്ദരി. മീനയുടെ ഓരോ സിനിമയ്ക്കും ഇന്ന് മലയാളികൾക്കിടയിൽ ആരാധകരുണ്ട്

ഇത്രെയേറെ ഫാൻസും സിനിമകളുമുള്ള മീനയ്ക്ക് ആരോടെങ്കിലും അസൂയ ഉണ്ട് എന്ന് കേട്ടാൽ 'അതാരോടായിരിക്കും' എന്ന് ആരാണെങ്കിലും ഒന്ന് ചിന്തിച്ചുപോകും. തന്റെ ജീവിതത്തിൽ ഒരാളോട് അസൂയ തോന്നിയ കാര്യം മീന തന്നെ പറഞ്ഞാലോ? ആ ആളെയും പ്രേക്ഷകർക്ക് കൃത്യമായി അറിയാം (തുടർന്ന് വായിക്കുക)

ഇന്ത്യൻ സിനിമാ ലോകം മണിരത്നം എന്ന മാസ്റ്റർ ചലച്ചിത്രകാരന്റെ പൊന്നിയിൻ സെൽവൻ കൺനിറയെ കാണുന്ന തിരക്കിലാവും. ഈ സിനിമയിൽ മീന ചെയ്യാൻ ആഗ്രഹിച്ച ഒരു വേഷമാണ് നന്ദിനിയുടേത്. ആ റോൾ ഏറ്റെടുത്തതും പ്രേക്ഷകരുടെ മറ്റൊരു പ്രിയങ്കരിയാണ്

മീനയ്ക്ക് ജീവിതത്തിൽ ആദ്യമായി ഒരാളോട് അസൂയ തോന്നിയെങ്കിൽ, അത് നടി ഐശ്വര്യ റായിയോടാണ്. 'ഇത്രയും നാൾ പിടിച്ചുവച്ചു, ഇനിയും കൊണ്ടുനടക്കാൻ വയ്യ, ഇതെന്നെ ശ്വാസംമുട്ടിക്കുന്നു' എന്ന് പറഞ്ഞാണ് നന്ദിനിയെ ഐശ്വര്യ അവതരിപ്പിക്കുന്നതിനെക്കുറിച്ച് മീന ഇൻസ്റ്റഗ്രാം പോസ്റ്റിൽ വാചാലയായത്

സിനിമയുടെ മുഴുവൻ പ്രവർത്തകർക്കും ആശംസ അറിയിച്ചാണ് മീന പോസ്റ്റ് അവസാനിപ്പിച്ചത്

ഫോളോവേഴ്സ് മീനയുടെ പോസ്റ്റിന് കയ്യടിച്ച് പ്രോത്സാഹനവുമായി ഒപ്പമുണ്ട്. മീന നന്ദിനിയുടെ വേഷം ഭംഗിയാക്കിയേനെ എന്നും അഭിപ്രായം പറയുന്നവരുണ്ട്

മീന സാഗറിന്റെ ഇൻസ്റ്റഗ്രാം പോസ്റ്റ്. പൊന്നിയിൻ സെൽവനിലെ ഐശ്വര്യയുടെ പോസ്റ്റർ പങ്കിട്ടാണ് മീന പോസ്റ്റ് ചെയ്തത്