Pearle Maaney | നിലയ്ക്ക് കൂട്ടായി 'നിതാരാ'; പേളിയുടെ രണ്ടാമത്തെ കുഞ്ഞിന് പേരിട്ടു

പ്രേക്ഷകരുടെ ഇഷ്ടതാരമാണ് പേളി മാണിയും ശ്രീനിഷ് അരവിന്ദും ഇരുവരുടേയും ആദ്യ കൺമണി നിലയും പ്രേക്ഷകരുടെ മനസ് കീഴടക്കി കഴിഞ്ഞു. 

ഇപ്പോൾ പേളിയുടെ രണ്ടാമത്തെ കുഞ്ഞിനെയും പ്രേക്ഷകർ ഇരുകൈയ്യും നീട്ടി സ്വീകരിച്ചിരിക്കുകയാണ്. വാവയുടെ എല്ലാ വിവരങ്ങളും പേളി പ്രേക്ഷകരുമായി പങ്കുവെക്കാറുമുണ്ട്.

ഇപ്പോൾ നിലയുടെ കുഞ്ഞനിയത്തിയുടെ പേരിടൽ ചടങ്ങ് ആഘോഷമാക്കിയിരിക്കുകയാണ് പേളിയും ശ്രീനിഷും കുടുംബവും. 

നിലയ്ക്ക് കൂട്ടായി ' നിതാരാ' എന്ന പേരാണ് രണ്ടാമത്തെ കൺമണിക്ക് നൽകിയിരിക്കുന്ന പേര്. പേളി തന്നെയാണ് ഈ സന്തോഷം പ്രേക്ഷകരുമായി പങ്കുവെച്ചത്. 

"‘നിതാര ശ്രീനിഷ്' ഞങ്ങളുടെ കുഞ്ഞ് മാലാഖ ഇന്ന് 28 ദിവസം പൂർത്തിയാക്കുകയാണ്. ഇന്ന് ഇവളുടെ നൂല്കെട്ടാണ്. ഞങ്ങളുടെ ഹൃദയം നിറഞ്ഞിരിക്കുന്നു, ഞങ്ങളുടെ കൈകളും നിറഞ്ഞിരിക്കുന്നു. നിങ്ങളുടെ എല്ലാ പ്രാർത്ഥനകളും അനുഗ്രഹങ്ങളും വേണം", പേളി കുറിച്ചു

നിരവധി പേരാണ് ചിത്രത്തിന് കമന്റുമായി എത്തിയിരിക്കുന്നത്. എന്തായാലും പേളി പങ്കുവെച്ച ചിത്രങ്ങൾ ഇതിനോടകം സമൂഹമാധ്യമത്തിൽ വൈറലായി കഴിഞ്ഞു.