നൂറ് കോടിക്കു മുകളിൽ നേടിയിട്ടും പരാജയപ്പെട്ട ചിത്രങ്ങൾ

ഷാരൂഖ് ഖാനെ നായകനാക്കി അനുഭവ് സിൻഹ സംവിധാനം ചെയ്ത സൂപ്പർഹീറോ ചിത്രം റാ.വൺ. 150 കോടി ബജറ്റിൽ റിലീസ് സമയത്ത് ഏറ്റവും ചെലവേറിയ ഇന്ത്യൻ സിനിമയായിരുന്നു റാ.വൺ. എന്നാൽ തിയേറ്ററിൽ 116 കോടി മാത്രമാണ് ചിത്രത്തിന് നേടാനായത്.

നാളുകൾക്കു ശേഷം റൊമാന്റിക് നായകനായി പ്രഭാസ് എത്തിയ ചിത്രമായിരുന്നു രാധേ ശ്യാം. 300 കോടിയുടെ വമ്പൻ ബജറ്റിലായിരുന്നു സിനിമയുടെ നിർമാണം. എന്നാൽ നേടിയത് വെറും 118 കോടി മാത്രം.

ആമിർ ഖാൻ, അമിതാഭ് ബച്ചൻ, കത്രീന കൈഫ് എന്നിങ്ങനെ വൻ താരങ്ങളെ അണിനിരത്തി 300 കോടി ബജറ്റിൽ നിർമിച്ച തഗ്സ് ഓഫ് ഹിന്ദുസ്ഥാൻ. നേടിയത് വെറും 150 കോടി രൂപ.

നൂറ് കോടി ക്ലബ്ബിൽ ഇടംനേടിയെങ്കിലും ഷാരൂഖിന്റെ കരിയറിലെ വൻ പരാജയമായിരുന്നു സീറോ. 200 കോടി മുടക്കി നിർമിച്ച ചിത്രത്തിന്റെ പരാജയത്തോടെയാണ് ഷാരൂഖ് സിനിമയിൽ നിന്നും ബ്രേക്ക് എടുത്തത്.

വമ്പൻ പ്രതീക്ഷകൾ നൽകി നിരാശപ്പെടുത്തിയ മറ്റൊരു ചിത്രമാണ് 83. കപിൽദേവിന്റെ ജീവിത കഥ പറഞ്ഞ റൺവീർ കപൂർ ചിത്രം 108 കോടി രൂപയാണ് ആകെ നേടിയത്.

വൻ ബജറ്റിൽ നിർമിച്ച് പാരജയം നേരിട്ട മഹേഷ് ബാബു ചിത്രമാണ് സ്പൈഡർ. എആർ മുരുഗദോസ് സംവിധാനം ചെയ്ത ചിത്രം മഹേഷ് ബാബുവിന്റെ ആദ്യ തമിഴ് ചിത്രം കൂടിയായിരുന്നു. 120 കോടി മുതൽ മുടക്കുള്ള ചിത്രം ആകെ നേടിയത് 100 കോടി മാത്രം.

130 കോടിയായിരുന്നു സൽമാൻ ഖാന്റെ ട്യൂബ് ലൈറ്റ് എന്ന ചിത്രത്തിന്റെ ബജറ്റ്. ചിത്രം ആകെ നേടിയതാകട്ടെ വെറും 100 കോടിയും.