ഇന്ന് പിറന്നാൾ ആഘോഷിക്കുന്ന, ഹൃദയത്തോട് ചേർന്ന്‌ നിൽക്കുന്ന വ്യക്തി; പേര് പറഞ്ഞ് ആശംസിക്കാതെ പ്രിയദർശൻ ഉദ്ദേശിച്ചത് ആരെ?

ഇന്ന് ജന്മദിനം ആഘോഷിക്കുന്ന എല്ലാവരും അനുഗ്രഹീതരാകട്ടെ. എന്റെ ഹൃദയത്തോട് ചേർന്ന്‌ നിൽക്കുന്ന ഒരാൾക്കും ഇന്ന് ജന്മദിനമാണ്. പേര് പറയാതെ പ്രിയ സംവിധായകൻ പ്രിയദർശൻ ആശംസിച്ചതാരെ എന്ന് പ്രേക്ഷകരും കൺഫ്യൂഷൻ അടിച്ചിരിക്കും

ആളാരെന്നു അറിയണമെങ്കിൽ മകൾ കല്യാണി പ്രിയദർശന്റെ ഫേസ്ബുക് വാളിൽ കയറണം. അതിനുള്ള ഉത്തരം കല്യാണിയുടെ ഫേസ്ബുക് വാളിൽ വർഷങ്ങൾ കഴിഞ്ഞും ശേഷിക്കുന്നു

2017ൽ ഇതേ ദിവസമാണ് കല്യാണി അമ്മ ലിസിക്ക് പിറന്നാൾ ആശംസിച്ചത്. അന്നും പേര് വയ്ക്കാത്ത ഒരു ആശംസ പ്രിയദർശന്റെ ഫേസ്ബുക് പേജിൽ പ്രത്യക്ഷപ്പെട്ടിരുന്നു

പ്രിയദർശനും ലിസിയും 2016ൽ നീണ്ട 26 വർഷത്തെ ദാമ്പത്യ ബന്ധം അവസാനിപ്പിച്ചുവെങ്കിലും പല വിശേഷ വേളകളിലും പ്രിയദർശൻ ഗതകാല സ്മരണകൾ അയവിറക്കാറുണ്ട്

പ്രിയദർശന്റെയും ലിസിയുടെയും വിവാഹ വേളയിലെ ചിത്രം. ഈ അടുത്ത് പോസ്റ്റ് ചെയ്ത ചിത്രം 

മകൾ കല്യാണി അച്ഛൻ സംവിധാനം ചെയ്ത മരയ്ക്കാർ അറബിക്കടലിന്റെ സിംഹം ചിത്രത്തിലൂടെ മലയാള സിനിമയിൽ അരങ്ങേറ്റത്തിനൊരുങ്ങുകയാണ്