Shritha Sivadas Returns | കേവലം ഒരു വർഷം നീണ്ട ദാമ്പത്യം; വലിയ ഇടവേളക്കു ശേഷം ശ്രിത ശിവദാസ് അഭിനയത്തിലേക്ക് മടങ്ങിയെത്തുന്നു

മലയാള ചിത്രം 'ഓർഡിനറി'യിൽ കുഞ്ചാക്കോ ബോബന്റെ നായികയായ നാട്ടിൻപുറത്ത്കാരി കല്യാണിയെ അവതരിപ്പിച്ചാണ് ശ്രിത ശിവദാസ് എന്ന പാർവതി പ്രേക്ഷകരുടെ പ്രിയങ്കരിയാവുന്നത്. ഗവിയിലെ പെൺകുട്ടി പിന്നെ ഒരുപിടി മലയാള ചിത്രങ്ങളിൽ കൂടി വേഷമിട്ടു

2015ലെ 'റാസ്‌പുട്ടിൻ' എന്ന സിനിമക്ക് ശേഷം ശ്രിതയെ  മലയാളത്തിൽ കണ്ടില്ല. 2014ലായിരുന്നു വിവാഹം. ഒരുവർഷത്തിന് ശേഷം വിവാഹമോചനവും. ശേഷം അടുത്തിടെ രമ്യ നമ്പീശൻ സംവിധാനം ചെയ്ത ഒരു ആൽബത്തിലാണ് ശ്രിത പ്രത്യക്ഷപ്പെടുന്നത്. ഇനി വെള്ളിത്തിരയിലേക്കുള്ള മടങ്ങിവരവാണ്‌. അതേപ്പറ്റി ശ്രിത 'സ്റ്റാർ ആൻഡ് സ്റ്റൈൽ' മാസികയ്ക്ക് നൽകിയ അഭിമുഖത്തിൽ പറയുന്നു:

"വിവാഹത്തിന് ശേഷം സ്ത്രീകൾ സിനിമ വിട്ട് പോകുന്നത് കുറഞ്ഞിട്ടുണ്ട്. വിവാഹമാണെങ്കിലും വിവാഹ മോചനമാണെങ്കിൽ വ്യക്തിപരമാണെന്നും അതിനെ സിനിമയുമായി കൂട്ടിക്കുഴക്കേണ്ട കാര്യമില്ലെന്ന് ഒരു പരിധിവരെ പലരും ചിന്തിച്ച് തു‍ടങ്ങിയിട്ടുണ്ട്...

"2014 ആയിരുന്നു വിവാഹം. കഷ്ടിച്ച് ഒരു വർഷം മാത്രമേ ആയുസ് ഉണ്ടായിരുന്നുളളൂ. പരസ്പരം ഒത്ത് പോകാതെ വന്നപ്പോൾ ഞങ്ങൾ വേർപിരിയാൻ തീരുമാനിച്ചു. ആ സമയത്ത് വ്യക്തിപരമായ കാരണങ്ങളാൽ അധികം സിനിമ ചെയ്തിരുന്നില്ല...

"പിന്നീട് തമിഴിലാണ് ഗംഭീര തുടക്കം ലഭിച്ചത്. സന്താനത്തിനോടൊപ്പമുള്ള ഒരു ഹൊറർ കോമഡി ചിത്രമായിരുന്നു അത്. അത് തമിഴ്നാട്ടിൽ വലിയ ഹിറ്റുമായിരുന്നു...

"അതിന് ശേഷം കാർത്തിക് രാജ് സംവിധാനം ചെയ്ത ചിത്രത്തിൽ അഭിനയിച്ചിരുന്നു. എന്നാൽ ഇത് റീലീസ് ചെയ്തിട്ടില്..." ദുൽഖർ സൽമാൻ നിർമ്മിക്കുന്ന 'മണിയറയിൽ അശോകൻ' എന്ന സിനിമയിലൂടെ മടങ്ങിവരവിനൊരുങ്ങുകയാണ് ശ്രിത

'ഓർഡിനറി' സിനിമയിൽ കുഞ്ചാക്കോ ബോബനൊപ്പം ശ്രിത

നടി സരയു മോഹന്റെ വിവാഹവേളയിൽ പങ്കെടുത്ത ശ്രിത