'അപ്പോള്‍ സെറ്റിലുണ്ടായിരുന്നത് 15 പേര്‍ മാത്രം'; ആടൈയിലെ നഗ്ന രംഗത്തെ കുറിച്ച് അമല പോള്‍

മലയാള സിനിമയിലെ നടിമാര്‍ പലരും ചെയ്യാന്‍ തയ്യാറാവാത്ത കാര്യമാണ് ആടൈയില്‍ അമല പോള്‍ കൈവച്ചത്. ചിത്രത്തിന്റെ ടീസറില്‍ നഗ്‌നയായി പ്രത്യക്ഷപ്പെട്ട് അമല ആരാധകരെ ഞെട്ടിച്ചു. എന്നാല്‍ അങ്ങനെ അഭിനയിക്കേണ്ട സാഹചര്യത്തെപ്പറ്റി അമല പറയുന്നതിങ്ങനെ. ഒരു ദേശീയ മാധ്യമത്തിന് അനുവദിച്ച അഭിമുഖത്തിലാണ് അമല ആടൈ രംഗത്തെ പറ്റി സംസാരിക്കുന്നത്.

ഈ രംഗത്തിന് വേണ്ടി ഒരു പ്രത്യേക തരം കോസ്റ്റിയൂ ഉപയോഗിക്കാമെന്ന് സംവിധായകന്‍ രത്നകുമാര്‍ പറഞ്ഞെങ്കിലും അമല അതിന് തയാറായില്ല. അതേകുറിച്ചോര്‍ത്ത് വിഷമിക്കണ്ടെന്നായിരുന്നു അമലയുടെ മറുപടി.

പക്ഷെ ഷൂട്ടിംഗ് ദിവസമായതോടെ അമലയ്ക്ക് പിരിമുറുക്കം കൂടി. സെറ്റില്‍ എന്ത് സംഭവിക്കുന്നെന്ന് അറിയാനുള്ള ആകാംഷയായി.

ആരൊക്കെ ഉണ്ടാവും, അവിടെ സുരക്ഷിതമാണോ എന്നൊക്കെയായി അമലയുടെ ചിന്ത. കേവലം 15 പേര്‍ മാത്രമെ അപ്പോള്‍ സെറ്റിലുണ്ടായിരുന്നുള്ളൂ. ക്രൂവിനെ വിശ്വാസമില്ലായിരുന്നെങ്കില്‍ അന്ന് ആ സീന്‍ ചെയ്യാന്‍ സാധിക്കില്ലായിരുന്നെന്നും അമല പറയുന്നു.

ആടൈക്കു മുന്‍പ് ഏതാണ്ട് സിനിമാ അഭിനയം അവസാനിപ്പിച്ച അവസ്ഥയിലായിരുന്നെന്നും അമല പറയുന്നു.

ആടൈയ്ക്ക് മുൻപ് കിട്ടിയിരുന്ന ഓഫറുകളൊക്കെ നായികാ കേന്ദ്രീകൃതമായിരുന്നെങ്കിലും കഥകളൊക്കെ കേട്ടുപഴകയതായിരുന്നു. ബലാത്സംഗത്തിന് ഇരയായവളെ പോലെ, അവളുടെ പോരാട്ടങ്ങളിലൂടെ അല്ലെങ്കില്‍ സ്വന്തം ഭര്‍ത്താവിനെ അകമഴിഞ്ഞ് പിന്തുണക്കുന്നവളായി, ത്യാഗോജ്വലയായ അമ്മയായി... ഇതിലൊന്നും അഭിനയികകാന്‍ താല്‍പ്പര്യം തോന്നിയിരുന്നില്ലെന്നും അമല പറയുന്നു.

കാമിനി എന്നാണ് ആടൈയിലെ അമലയുടെ കഥാപാത്രത്തിന് പേര്. ചിത്രം ജൂലൈ 19ന് തിയേറ്ററിലെത്തും