Kerala Gold Price |സ്വർണ്ണവില വീണ്ടും കുതിച്ചു; ഇന്നത്തെ നിരക്ക് അറിയാം

സ്വർണവില വീണ്ടും കുതിച്ചുയരുന്നു. സംസ്ഥാനത്ത് ഇന്ന് പവന് 560 രൂപയാണ് വർദ്ധിച്ചത്. ഇതോടെ കേരളത്തില്‍ ഇന്ന് ഒരു പവന്‍ സ്വര്‍ണത്തിന് 56520 രൂപയാണ് വില. ഗ്രാമിന് 70 രൂപ വര്‍ധിച്ച് 7065 രൂപയിലുമെത്തി.

ഇതോടെ 5 ദിവസത്തിനു ശേഷം വീണ്ടും സ്വർണ വില (Gold rate) 56000 കടന്നു. ഇന്നലെ പവന് 480 രൂപയായിരുന്നു വർദ്ധിച്ചത്. ഇന്നത്തെ വിലക്കയറ്റം സ്വർണം വാങ്ങാനെത്തുന്ന സാധാരണകാർക്ക് നിരാശയായിരിക്കും.

വെള്ളിയുടെ വിലയിലും വര്‍ധനവ് സംഭവിച്ചു. ഗ്രാമിന് 2 രൂപ വര്‍ധിച്ച് 99 രൂപയിലെത്തി. ഇന്ന് ഒരു പവന്‍ ആഭരണം വാങ്ങാന്‍ 60000 രൂപയ്ക്ക് മുകളിലാകും ചെലവ്. പഴയ സ്വര്‍ണം വില്‍ക്കുന്നവര്‍ക്ക് രണ്ട് മുതല്‍ നാല് ശതമാനം വരെ കുറച്ചുള്ള തുക കിട്ടും.

നവംബർ തുടങ്ങിയപ്പോഴേക്കും ചരിത്രത്തിലെ ഏറ്റവും ഉയർന്ന റെക്കോർഡിൽ മുത്തമിട്ടാണ് സ്വർണ്ണവിലയുടെ തുടക്കം. 59,080 രൂപയായിരുന്നു നവംബർ ഒന്നിന് സ്വർണ്ണവില. ആഭരണ പ്രേമികൾക്ക് ആശങ്ക പടർത്തിക്കൊണ്ടാണ് സംസ്ഥാനത്തെ സ്വർണവില കുത്തനെ ഉയര്‍ന്നിരുന്നത്.

ഈ മാസം ഏഴിന് 57,600 രൂപയായി താഴ്ന്ന ശേഷം ഒരുതവണ തിരിച്ചുകയറിയ സ്വര്‍ണവില പിന്നീട് ഇടിയുന്നതാണ് കണ്ടത്. എന്നാൽ ഇന്നലെ മുതൽ സ്വർണവില വർദ്ധിച്ചിരിക്കുകയാണ്.

നാല് വര്‍ഷത്തിന് ശേഷം യുഎസ് ഫെഡറല്‍ റിസര്‍വ് അരശതമാനം പലിശ നിരക്ക് കുറച്ചതും വിപണിയില്‍ പ്രതിഫലിച്ചു. യുക്രൈന്‍ യുദ്ധം ആരംഭിച്ചത് മുതല്‍ ആഗോളവിപണിയുടെ ചുവട് പിടിച്ചാണ് സ്വര്‍ണ വിലയില്‍ മാറ്റങ്ങളുണ്ടാകുന്നത്.