Gold Price Today: ഓണത്തിന് സ്വർണം വാങ്ങാൻ പ്ലാനുണ്ടോ? വില കൂടിയോ കുറഞ്ഞോ എന്ന് അറിയാം

സ്വർണവില പിടിതരാതെ ചാഞ്ചാടിക്കൊണ്ടിരുന്നതുകൊണ്ടുതന്നെ ഓഗസ്റ്റ് ആഭരണ പ്രേമികളെ സംബന്ധിച്ചിടത്തോളം അത്ര നല്ല മാസമായിരുന്നില്ല. പവന്‍റെ വിലയിൽ ഏകദേശം 2000 രൂപയുടെ വർധനവാണ് കഴിഞ്ഞ മാസമുണ്ടായത്.

വിലയിലെ ആ കുതിപ്പ് സെപ്റ്റംബർ മാസവും ഉണ്ടാകുമോ എന്ന ആശങ്കയിലാണ് സ്വർണാഭരണം വാങ്ങാൻ കാത്തിരുന്നവർ. എന്നാൽ മാസത്തിന്‍റെ തുടക്കത്തിൽ എന്തായാലും നേരിയ ആശ്വാസം സ്വർണവിലയിലുണ്ട്.

സെപ്റ്റംബറിലെ ആദ്യ രണ്ട് ദിവസങ്ങളിൽ താഴേക്ക് പോയ സ്വർണവില ചൊവ്വാഴ്ച മാറ്റമില്ലാതെ തുടരുകയാണ്. എന്നാൽ വരും ദിവസങ്ങളിലും സ്വർണവില താഴേക്ക് ഇറങ്ങുമോ എന്ന് ഉറപ്പിച്ച് പറയാൻ സാധിക്കില്ല.

പവന് 53560 രൂപ എന്ന നിരക്കിലായിരുന്നു സംസ്ഥാനത്ത് ഒന്നാം തീയതി സ്വർണവ്യാപാരം നടന്നത്. രണ്ടാം തീയതി പവന്‍റെ വിലയിൽ 200 രൂപ കുറഞ്ഞു. 53,360 രൂപയാണ് ഒരു പവന്‍റെ വില. 6670 രൂപയാണ് ഗ്രാമിന്‍റെ വില. ഇന്നും ഇതേ നിരക്ക് തുടരുകയാണ്.

സ്വർണവില നേരിയ തോതിലെങ്കിലും കുറഞ്ഞത് വലിയ അളവിൽ സ്വർണാഭരണം വാങ്ങുന്നവർക്ക് ആശ്വാസമാണ്. ഇന്നത്തെ വിലയിൽ ഒരു പവൻ സ്വർണാഭരണം വാങ്ങാൻ എത്ര രൂപ നൽകേണ്ടി വരും എന്ന് നോക്കാം.

സ്വർണാഭരണം വാങ്ങുമ്പോൾ പവന്‍റെ വിലയോടൊപ്പം പണിക്കൂലി, നികുതി, ഹാൾമാർക്കിംങ് നിരക്കുകൾ തുടങ്ങിയ കൂടി നൽകണം. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടുമ്പോൾ ഒരു പവൻ സ്വർണാഭരണം വാങ്ങാൻ ഏകദേശം 57,000 രൂപ നൽകേണ്ടി വരും.

നിലവിൽ സ്വർണവില പൊതുവെ ഉയർന്നു നിൽക്കുന്നത് വിവാഹ പർച്ചേസുകൾക്ക് തിരിച്ചടിയാകുന്നുണ്ട്. ചിങ്ങമാസത്തിൽ നിരവധി വിവാഹങ്ങളാണ് സംസ്ഥാനത്ത് നടക്കുന്നത്. അതുകൊണ്ടു തന്നെ വരും ദിവസങ്ങളിൽ സ്വർണവില മുകളിലേക്ക് ഉയരാനുള്ള സാധ്യതയുണ്ടെന്നാണ് പൊതുവിൽ വിലയിരുത്തുന്നത്. അങ്ങനെയെങ്കിൽ വലിയ അളവിൽ സ്വർണാഭരണം വാങ്ങാൻ ഉദ്ദേശിക്കുന്നവർ അഡ്വാന്‍സ് ബുക്കിംഗ് നടത്തുന്നതാണ് നല്ലത്.