പബ്ജി മൊബൈൽ ഇന്ത്യയിൽ സേവനം അവസാനിപ്പിക്കുന്നോ? യാഥാർഥ്യം ഇതാണ്

PUBGയുടെ ആരാധകരെ നിരാശരാക്കുന്ന ചില വാർത്തകളാണ് ഇപ്പോൾ പുറത്തു വന്നിരിക്കുന്നത്. നിങ്ങൾ ഗൂഗിളിൽ PUBG മൊബൈലിനെ കുറിച്ച് തിരയുകയുമ്പോൾ ആദ്യം ലഭിക്കുന്ന വാർത്തകൾ ഒരു ദിവസത്തേക്ക് PUBG മൊബൈൽ  തടസപ്പെടുന്നതുമായി ബന്ധപ്പെട്ടതായിരിക്കും.

വാർത്തകൾ ശരിയാണ്. എങ്കിലും ഇന്ത്യയിലെ PUBG ആരാധകർ നിരാശരാകേണ്ട. കുറച്ച് രാജ്യങ്ങളിൽ മാത്രമാണ് സേവനം അവസാനിപ്പിക്കുന്നതെന്നാണ് ഔദ്യോഗികമായ സ്ഥിരീകരണം.

അതെ, ഏപ്രിൽ 4 പുലർച്ചെ 12 മണി മുതൽ ഏപ്രിൽ 5 പുലർച്ചെ 12 മണിവരെയാണ് PUBG സേവനം അവസാനിപ്പിക്കുന്നത്. സെർവറുകൾ നിർത്തലാക്കുമെന്നും PUBG മൊബൈൽ ഒരു ദിവസത്തേക്ക് ലഭ്യമാകില്ലെന്നും സ്ഥിരീകരിക്കുന്ന ഒരു പോസ്റ്റ് ചൈനീസ് സോഷ്യൽ മീഡിയ വെയ്‌ബോയിലൂടെ കമ്പനി അറിയിച്ചിരുന്നു.

കൊറോണ വൈറസ് പകർച്ചവ്യാധിക്കെതിരെ സജീവമായി പോരാടുന്ന ആളുകളുടെ ഓർമ്മയ്ക്ക് വേണ്ടിയും മരിച്ചവർക്ക് അനുശോചനം അറിയിക്കുന്നതിനും വേണ്ടിയുമാണ് സെർവറുകൾ അടച്ചു പൂട്ടുന്നതെന്നാണ് കമ്പനി അറിയിച്ചിരിക്കുന്നത്.

ചൈന, ഹോങ്കോങ്, മക്കാവോ, തായ്വാൻ മേഖലകളിലാണ് ഗെയിം താത്കാലികമായി അവസാനിപ്പിക്കുന്നതെന്നാണ് സൂചനകൾ. ഇത് ഇന്ത്യയിലെ ആരാധകരെ ബാധിക്കില്ല. ഇന്ത്യയിലെ ചില ഉപയോക്താക്കൾ‌ക്ക് താൽ‌ക്കാലിക ഷട്ട്ഡൗണിനെക്കുറിച്ച് ഒരു അറിയിപ്പ് ലഭിച്ചിരുന്നു. എന്നാൽ ഇത് സത്യമല്ല. മുകളിൽ പറഞ്ഞിരിക്കുന്ന ഇടങ്ങളിൽ മാത്രമാണ് ഇത്തരത്തിൽ ഗെയിം തടസപ്പെടുന്നത്.

ഇന്ത്യയിൽ‌ സെർ‌വറുകൾ‌ താൽ‌ക്കാലികമായി നിർത്തിവച്ചിട്ടില്ല കൂടാതെ PUBG മൊബൈൽ‌ ഇന്ത്യ ടീം ഇതുസംബന്ധിച്ച് ഒരു വിവരവും പങ്കിട്ടിട്ടില്ല.