കോഴിക്കോട് ദൃശ്യവിരുന്നൊരുക്കി വർണപ്പകിട്ടിൻ്റെ ഭാഗമായി അനന്യം നൃത്തശില്പം

ട്രാൻസ്ജെൻഡർ സമൂഹത്തിൻ്റെ കലാഭിരുചി, സർഗാത്മകത എന്നിവ പരിപോഷിപ്പിക്കുന്നതിന് രൂപീകരിച്ച കലാടീമാണ് അനന്യം. ട്രാൻസ്ജെൻഡർ വ്യക്തികൾക്ക് സാമൂഹികമായും സാമ്പത്തികമായും മെച്ചപ്പെട്ട ജീവിതനിലവാരം ഉറപ്പാക്കുക എന്ന ലക്ഷ്യത്തോടെയാണ് സാമൂഹികനീതി വകുപ്പ് അനന്യം പദ്ധതി ആവിഷ്കരിച്ചത്. സാംസ്കാരിക വകുപ്പിന് കീഴിൽ പ്രവർത്തിക്കുന്ന ഗുരു ഗോപിനാഥ് നടന ഗ്രാമത്തിൻ്റെ സഹകരണത്തോടെയാണ് പദ്ധതി നടപ്പാക്കിയത്. നൃത്തം, സംഗീതം, അഭിനയം, നാടോടി കലകൾ, ഗോത്രകലകൾ എന്നിവയിൽ പ്രാവീണ്യവും വൈദഗ്ധ്യവുമുള്ള ട്രാൻസ്ജെൻഡർ വ്യക്തികളെയാണ് അനന്യം കലാടീമിലേക്ക് തിരഞ്ഞെടുക്കുന്നത്.