Dileep | ദിലീപിന് ഇഷ്‌ടായോ എന്ന് ചോദ്യം; മറ്റൊരാൾ ഓടിച്ചിരുന്ന വാഹനം സ്വന്തമാക്കിയതിനെ കുറിച്ച് ദിലീപ്

ആഡംബര കാറുകളിൽ വന്നിറങ്ങുന്ന നടൻ ദിലീപിനെയും (Dileep) കുടുംബത്തെയും പല പരിപാടികളിലും കാണാൻ സാധിക്കും. മകൾ മീനാക്ഷിക്കും സ്വന്തമായി ഡ്രൈവ് ചെയ്തു പോകാൻ അച്ഛൻ ദിലീപ് മുന്തിയ കാർ സമ്മാനിച്ചിട്ടുണ്ട്. മീനൂട്ടിയുടെ ആ വരവ് സോഷ്യൽ മീഡിയയിൽ തരംഗം തീർത്ത് മുന്നേറുകയുണ്ടായി. കാവ്യാ മാധവൻ ഇതുവരെയും തനിയെ ഡ്രൈവ് ചെയ്തു പോകുന്ന ദൃശ്യം എങ്ങും കാണാൻ സാധിച്ചിട്ടില്ല

പ്രമുഖ വാഹന ബ്രാൻഡുകളുടെ കാറുകൾ പലതും ദിലീപിന്റെ പക്കലുണ്ട്. ഇടയ്ക്കിടെ കാറുകൾ മാറ്റിവാങ്ങാറുണ്ടെന്നും ദിലീപ്. എത്രെയെല്ലാം ഉണ്ടെന്നു പറഞ്ഞാലും ദിലീപ് ഇന്നും തന്റെ ആദ്യ കാറും, ബൈക്കും സൈക്കിളും സ്വന്തമായി സൂക്ഷിക്കുന്നയാളാണ് (തുടർന്ന് വായിക്കുക)

ഏതു പുതുപുത്തൻ വാഹനം ഉണ്ടെന്നു പറഞ്ഞാലും തന്റെ ആദ്യ കാർ ഒരിക്കലും വിൽക്കില്ല എന്ന് ദിലീപ്. കൈമാറുകയുമില്ല. മറ്റൊരാളുടെ പക്കൽ കണ്ട ആ വാഹനം താൻ മോഹിച്ച് ചോദിച്ചു വാങ്ങിയതാണ് എന്ന് ദിലീപ്

ആദ്യമായി വാങ്ങിയത് ഒരു മാരുതി കാർ ആണെന്ന് ദിലീപ്. സെക്കന്റ് ഹാൻഡ് ആയി മറ്റൊരാളുടെ പക്കൽ നിന്നും വാങ്ങുകയായിരുന്നു. ദിലീപിന്റെ സിനിമകൾ കണ്ടിട്ടുള്ളയാൾ ആയിരുന്നു അദ്ദേഹം

ആ കാർ കണ്ടിഷ്ടമായാണ് ദിലീപ് വാഹനം അദ്ദേഹത്തിന്റെ പക്കൽ നിന്നും സ്വന്തമാക്കുന്നത്. 1984 മോഡൽ വാഹനമാണ്. അഥവാ കാവ്യാ മാധവൻ ജനിച്ച വർഷം. കാവ്യയോളം പ്രായമുള്ള വാഹനം

ദിലീപിന് കാർ തരാം. പക്ഷെ അതൊരിക്കലും വിൽക്കരുത് എന്നായിരുന്നു അദ്ദേഹത്തിന്റെ നിബന്ധന. അത് ദിലീപ് ഇന്നുവരെ പാലിച്ചു പോരുന്നുണ്ട്. വളരെ ക്യൂട്ട് ആയ കാർ ആണ് അതെന്നു ദിലീപ്

ഇടയ്ക്കിടെ കാർ ഒന്ന് കണ്ടിഷൻ ആക്കിയെടുക്കാറുണ്ട്. അടുത്തിടെയും ചില മിനുക്കുപണികൾ ചെയ്തിരുന്നു എന്ന് ദിലീപ്. അടുത്തകാലത്ത് നൽകിയ ഒരു അഭിമുഖത്തിലാണ് ദിലീപ് ഇക്കാര്യം വ്യക്തമാക്കിയത്

നടൻ ദിലീപ് ഭാര്യ കാവ്യക്കും മകൾ മഹാലക്ഷ്മിക്കും ഒപ്പം അവരുടെ മിനി കൂപ്പറിൽ യാത്ര ചെയ്യുന്ന ദൃശ്യം