സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട് ആരോപണങ്ങൾ നേരിടുന്ന റിയ ചക്രബർത്തിക്ക് പിന്തുണയുമായി നടി സ്വര ഭാസ്കർ. സുശാന്തിന്റെ മരണത്തിൽ റിയയ്ക്കെതിരെ സുശാന്തിന്റെ പിതാവ് രംഗത്തെത്തിയിരുന്നു. ക്രൂരമായ മാധ്യമ വിചാരണയ്ക്കാണ് റിയ വിധേയയാകുന്നതെന്ന് സ്വര തുറന്നടിച്ചു. റിയയ്ക്കെതിരെ നടക്കുന്ന മാധ്യമ വിചാരണ അവസാനിപ്പിക്കാൻ സുപ്രീംകോടതി ഇടപെടുമെന്നാണ് പ്രതീക്ഷിക്കുന്നതെന്നും സ്വര തനിക്കെതിരെ നടക്കുന്ന മാധ്യമ വിചാരണയ്ക്കെതിരെ റിയ സുപ്രീംകോടതിയെ സമീപിച്ചിരുന്നു. തനിക്കെതിരെ നടക്കുന്ന മാധ്യമവിചാരണ അന്യായം ആണെന്നും ഇത് അവസാനിപ്പിക്കണമെന്നും കോടതിയിൽ സമീപിച്ച സത്യവാങ്മൂലത്തിൽ റിയ പറയുന്നു. വിശ്വാസ വഞ്ചന, പണം തട്ടിപ്പ് തുടങ്ങി രൂക്ഷ ആരോപണങ്ങളാണ് റിയക്കെതിരെ സുശാന്തിന്റെ പിതാവ് ഉന്നയിച്ചത്.
