Tuesday Astro Remedies|ഹനുമൽ പ്രീതിയ്ക്കായി ചൊവ്വാഴ്ച്ച 10 കാര്യങ്ങൾ ചെയ്യൂ; ജീവിതത്തിൽ ഐശ്വര്യം നിറയും

കൂടാതെ, ചൊവ്വാഴ്ച ദിവസം ചൊവ്വ എന്നർത്ഥം വരുന്ന മംഗള ദേവിനും സമർപ്പിച്ചിരിക്കുന്നു.ഒരു വ്യക്തിയുടെ ജാതകത്തിൽ ചൊവ്വയുടെ സ്ഥാനം നല്ല നിലയിലല്ലെങ്കിൽ അവരുടെ ജീവിതത്തിൽ നിരവധി പ്രശ്നങ്ങൾ നേരിടേണ്ടി വന്നേക്കാം.

ജ്യോതിഷ പ്രകാരം, ചൊവ്വ ഊർജ്ജത്തിൻ്റെയും ശക്തിയുടെയും ഘടകത്തെ പ്രതിനിധീകരിക്കുന്നു. ഒരു വ്യക്തിയുടെ ജാതകത്തിൽ ചൊവ്വ ബലഹീനമായാൽ ആ വ്യക്തി ജീവിതത്തിൽ നിരവധി പ്രശ്നങ്ങൾ നേരിടാൻ സാധ്യതയുണ്ടെന്നാണ് വിശ്വാസം.

കുടുംബ തർക്കങ്ങൾ, സാമ്പത്തിക പ്രശ്നങ്ങൾ, ബുദ്ധിമുട്ടുകൾ, വിവാഹം കാലതാമസം, വർദ്ധിച്ചുവരുന്ന കടബാധ്യത, അല്ലെങ്കിൽ എന്തെങ്കിലും അപകടങ്ങൾ എന്നിവയുടെ രൂപത്തിൽ പ്രശ്നങ്ങൾ വരാമെന്ന് വിശ്വസിക്കുന്നു. അതിനാൽ ചൊവ്വാഴ്ച്ച ഈ പരിഹാരങ്ങൾ ചെയ്യൂ.

ചൊവ്വാഴ്ചകളിൽ ഹനുമാൻ ക്ഷേത്രത്തിൽ പോയി ദർശനം നടത്തുന്നത് വളരെ നല്ലതായി കണക്കാക്കുന്നു. ദർശനം നടത്തുന്നതോടൊപ്പം ശർക്കര, ബൂന്തി, ലഡ്ഡു തുടങ്ങിയവ ഹനുമാൻ ദേവന് സമർപ്പിക്കുക. കൂടാതെ ചൊവ്വാഴ്ച്ച ദിവസം കുരങ്ങുകൾക്ക് ശർക്കരയും ചെറുപയറും കൊടുക്കുക. ഇത് 21 ചൊവ്വാഴ്ചകളിൽ മുടങ്ങാതെ ചെയ്യുന്നതിലൂടെ നിങ്ങളുടെ ജീവിതത്തിൽ സാമ്പത്തിക അഭിവൃദ്ധിയും പുരോഗതിയും ലഭിക്കുമെന്നാണ് വിശ്വാസം.

ചൊവ്വാഴ്ച്ച നിങ്ങളുടെ പൂജാമുറിയിൽ ഹനുമാൻ യന്ത്രം സ്ഥാപിക്കുക. കൂടാതെ ഈ യന്ത്രത്തെ ദിനവും ആരാധിക്കുക. ചൊവ്വാഴ്ച ദിവസങ്ങളിൽ വൈകുന്നേരം ഹനുമാൻ ക്ഷേത്രത്തിൽ പോയി കടുകെണ്ണയോ ശുദ്ധമായ നെയ്യോ ഉപയോഗിച്ച് വിളക്ക് തെളിയിക്കുക.അതിനു ശേഷം അവിടെ ഇരുന്ന് ഹനുമാൻ ചാലിസ ജപിക്കുക. ഹനുമാന്റെ കൃപ എന്നും നിങ്ങൾക്ക് ലഭിക്കും.

ചൊവ്വാഴ്ച ദിവസം വൈകുന്നേരങ്ങളിൽ സുഗന്ധദ്രവ്യങ്ങളും ജപമാലകളും ഹനുമാന് സമർപ്പിക്കാം. അഞ്ജനാ പുത്രനായ ഹനുമാൻ്റെ അനുഗ്രഹം ലഭിക്കുന്നതിന് വളരെ മികച്ച ആചാരമായി ഈ പ്രതിവിധിയെ കണക്കാക്കുന്നു. കൂടാതെ ചൊവ്വാഴ്ച്ച ദിവസം രാവിലെ കുളിച്ച് ശു​ദ്ധിയായി അരയാൽ മരമുള്ള ഹനുമാൻ ക്ഷേത്രത്തിലേക്ക് പോകുക. അരയാലിന്റെ ചുവട്ടിൽ കടുകെണ്ണ വിളക്ക് കത്തിച്ച് കിഴക്കോട്ട് അഭിമുഖമായി "ജയ് ശ്രീ റാം" എന്ന നാമം ചൊല്ലുക.‌

ചൊവ്വാഴ്ചകളിൽ ഹനുമാൻ ക്ഷേത്രം സന്ദർശിച്ച് മുല്ലപ്പൂവിൻ്റെ തൈലം ഭഗവാന് സമർപ്പിക്കുക. അതിനുശേഷം നിങ്ങളുടെ മനസ്സിലെ ഏറ്റവും വലിയ ആ​ഗ്രഹം ഭ​ഗവാനോട് പറയുക. ഇങ്ങനെ ചെയ്യുന്നതിലൂടെ നിങ്ങളുടെ ഏത് ആ​ഗ്രഹവും നിറവേറ്റാനാകും എന്നാണ് വിശ്വാസം.

ചൊവ്വാഴ്ചകളിൽ രാവിലെ കുളിച്ച് ശുദ്ധിയായി ശർക്കര ചേർത്ത് എന്തെങ്കിലും മധുരപലഹാരങ്ങൾ തയ്യാറാക്കി ദേവന് സമർപ്പിക്കുക.ഈ പ്രതിവിധിയുടെ സഹായത്തോടെ നിങ്ങശളുടെ ജീവിതത്തിലെ കടം ഉടൻ നീക്കം ചെയ്യപ്പെടും.

നിങ്ങളുടെ ജാതകത്തിൽ ചൊവ്വയുടെ ദോഷഫലങ്ങൾ ഉണ്ടെങ്കിൽ ചൊവ്വാഴ്ച്ച് ദിവസം ചുവന്ന നിറത്തിലുള്ള വസ്ത്രങ്ങൾ ധരിക്കുക. അല്ലെങ്കിൽ ചുവപ്പ് നിറത്തിലുള്ള തൂവാലയോ അങ്ങനെയെന്തെങ്കിലും ഉപയോഗിക്കുക.

നിങ്ങളുടെ ജാതകത്തിൽ ചൊവ്വയെ മികച്ചതായി ശക്തിപ്പെടുത്തുന്നതിന്, ചൊവ്വാഴ്ചകളിൽ പശുക്കൾക്കും കുരങ്ങുകൾക്കും ഭക്ഷണം നൽകുന്നത് ഉത്തമമായി കണക്കാക്കുന്നു. ഈ പ്രതിവിധി നിങ്ങളുടെ ജീവിതത്തിൽ നിന്ന് എല്ലാ പ്രയാസകരമായ പ്രതിബന്ധങ്ങളും ഇല്ലാതാക്കാൻ സഹായിക്കുന്നു.

ചൊവ്വാഴ്ചകളിൽ ഹനുമാൻ ചാലിസ പാരായണം ചെയ്യുന്നതിനു പുറമേ, ഈ ദിവസം ലക്ഷ്മി സ്തോത്രം ജപിക്കുന്നത് കടം വേഗത്തിൽ വീട്ടാൻ സഹായിക്കുന്നു. ലക്ഷ്മി മാതാവിൻ്റെ പുണ്യാനുഗ്രഹം നേടാനും ഇത് സഹായിക്കുന്നു.(ശ്രദ്ധിക്കുക: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളേയും ആചാരങ്ങളേയും അടിസ്ഥാനപ്പെടുത്തിയിട്ടുള്ളതാണ്. ന്യൂസ് 18 ഇവ സ്ഥിരീകരിക്കുന്നില്ല)