TRENDING:
രാജീവ് മേഹ്ത എന്ന ഉപയോക്താവാണ് ഇദ്ദേഹത്തിന്റെ വീഡിയോ എക്സില് പോസ്റ്റ് ചെയ്തത്.
‘അദ്ദേഹത്തിന്റെ കൈവശം 80 കോടിയുടെ ഓഹരിയുണ്ട്. 80 കോടി രൂപയുടെ എല് ആന്ഡ് ടി ഓഹരി. 21 കോടി രൂപയുടെ അള്ട്രാടെക്ക് സിമന്റ് കമ്പനിയുടെ ഓഹരി. കര്ണാടക ബാങ്കിലെ 1 കോടി രൂപയുടെ ഓഹരിയുമുണ്ട്. ഇപ്പോഴും ലളിത ജീവിതം നയിക്കുന്നു,’ എന്ന അടിക്കുറിപ്പോടെയാണ് വീഡിയോ പോസ്റ്റ് ചെയ്തത്.
Also read-എന്താണ് ഗുഡ് ടച്ചും ബാഡ് ടച്ചും? അധ്യാപിക കുട്ടികളെ പഠിപ്പിക്കുന്ന വീഡിയോ വൈറൽ
advertisement
കൂടാതെ ഓരോ വര്ഷവും ആറ് ലക്ഷം രൂപ ലാഭവിഹിതമായി തനിക്ക് ലഭിക്കുന്നുണ്ടെന്നും അദ്ദേഹം വീഡിയോയിലൂടെ വ്യക്തമാക്കി. ഈ വയോധികന്റെ വെളിപ്പെടുത്തല് കേട്ട് അമ്പരന്ന് നില്ക്കുകയാണ് സോഷ്യല് മീഡിയ ഉപയോക്താക്കള്.
” ലാളിത്യത്തിന്റെ ശക്തിയാണിത്,’ എന്നാണ് ഒരാള് കമന്റ് ചെയ്തത്.
”ഇത്രയും ഓഹരികൾ കൈവശമുള്ള ലളിത ജീവിതം നയിക്കുന്ന ഒരാളെ കണ്ടതില് സന്തോഷമുണ്ട്,” എന്നായിരുന്നു മറ്റൊരാളുടെ കമന്റ്.
അതേസമയം വീഡിയോയില് അദ്ദേഹം പറയുന്ന അക്കങ്ങളിലെ ചില പിശകുകളെപ്പറ്റിയും ചിലര് ചൂണ്ടിക്കാട്ടി.
” സഹോദരാ, 27000 എല് ആന്ഡ് ടി ഷെയര് എന്നാൽ എട്ട് കോടി അല്ലേ?,” എന്നൊരാള് കമന്റ് ചെയ്തു.
”സംഖ്യകള് കുറച്ച് കൂടി വ്യക്തമായി പറയുക. അദ്ദേഹം പറയുന്നത് ശരിയാണെങ്കില് അദ്ദേഹത്തിന് ലഭിക്കുന്ന ലാഭവിഹിതം ഈ പറഞ്ഞതിനേക്കാള് കൂടുതലാണ്. ഒരു ഗ്രാമത്തില് സ്വസ്ഥ ജീവിതം നയിക്കുന്നതിന് പിന്നെ ഒന്നും ആവശ്യമില്ല,” എന്നാണ് മറ്റൊരാൾ കമന്റ് ചെയ്തത്.
പണം എങ്ങനെ പ്രായോഗികമായി ഉപയോഗിക്കണം എന്നതിനെപ്പറ്റി സംശയം ചോദിച്ചും നിരവധി പേര് വീഡിയോയ്ക്ക് താഴെ കമന്റ് ചെയ്തു.
” ലളിതമായ ജീവിതം നയിക്കുന്നതില് തെറ്റൊന്നുമില്ല. എന്നാല് അദ്ദേഹം തന്റെ സ്വത്ത് ആസ്വദിക്കുന്നുണ്ടോ എന്ന കാര്യം പ്രധാനമാണ്. ആസ്വദിക്കുന്നില്ലെങ്കില് ആ നിക്ഷേപം കൊണ്ട് പിന്നെന്ത് പ്രയോജനമാണുള്ളത്,” എന്നാണ് മറ്റൊരാള് കമന്റ് ചെയ്തത്. ഏകദേശം ഒരു മില്യണ് പേരാണ് ഇതുവരെ വീഡിയോ കണ്ടത്.
Click here to add News18 as your preferred news source on Google.