വിവാഹദിനത്തിൽ കൂട്ടുകാരുടെ 'സർപ്രൈസ്' താങ്ങാനാകാതെ വധു ബോധംകെട്ടുവീണു

വൈറ്റില സ്വദേശിനിയായ വധുവും വരനും വേദിയിലേക്ക് ആനയിക്കപ്പെടുന്നതിനിടെയാണ് തൊട്ടടുത്ത് വെച്ച് സുഹൃത്തുക്കൾ വലിയ ശബ്ദത്തിൽ പടക്കം പൊട്ടിച്ചത്. പെട്ടെന്നുണ്ടായ പ്രകമ്പനത്തിലും ശബ്ദത്തിലും പകച്ചുപോയ വധു തളർന്നു വീഴുകയായിരുന്നു.

ആശുപത്രിയിലേക്ക് വിവാഹവണ്ടിയിൽ പാച്ചിൽ

ആഘോഷത്തിമിർപ്പിലായിരുന്ന ഓഡിറ്റോറിയം നിമിഷനേരം കൊണ്ട് പരിഭ്രാന്തിയിലായി. ഉടൻതന്നെ വധുവിനെ എടുത്ത് അലങ്കരിച്ച വിവാഹവാഹനത്തിൽ തന്നെ തൃപ്പൂണിത്തുറ താലൂക്ക് ആശുപത്രിയിൽ എത്തിച്ചു. രാത്രി 7.30ഓടെ പൂക്കളാൽ അലങ്കരിച്ച കാർ ആശുപത്രി മുറ്റത്ത് പാഞ്ഞെത്തുന്നത് കണ്ട് രോഗികളും ബന്ധുക്കളും ആദ്യം ഒന്ന് അമ്പരന്നു.

advertisement

ചികിത്സയ്ക്ക് ശേഷം മടക്കം

‌

ആശുപത്രിയിൽ വെച്ച് വധുവിന് അടിയന്തരമായി ഡ്രിപ്പ് നൽകി. ശാരീരിക അസ്വസ്ഥതകൾ മാറി ബോധം വീണ്ടെടുത്തതോടെ വധു സാധാരണ നിലയിലായി. തുടർന്ന് വൈകാതെ തന്നെ വരനോടൊപ്പം വധു തിരികെ റിസപ്ഷൻ ഹാളിലേക്ക് യാത്രതിരിച്ചു. ചടങ്ങുകൾ പൂർത്തിയാക്കിയെങ്കിലും, കൂട്ടുകാരുടെ ഈ 'സർപ്രൈസ്' നവദമ്പതികൾക്ക് ഒരിക്കലും മറക്കാനാവാത്ത ഒരു അനുഭവമായി മാറി.

Summary: A wedding reception in Maradu turned into a medical emergency after a "surprise" planned by friends caused the bride to collapse on stage. As the newlyweds were being welcomed to the reception, their friends detonated high-decibel firecrackers (Gundu) nearby. Overwhelmed by the sudden, intense noise, the bride fainted. The groom and guests immediately rushed her to the Tripunithura Taluk Hospital using the decorated wedding car. The sight of a floral-covered wedding vehicle speeding into the hospital around 7:30 PM drew a large crowd of onlookers.