ഒക്ടോബർ 27നു ക്വാളിഫയർ പരീക്ഷ നടക്കും. നവംബർ ഒന്നിന് ഫലം പ്രസിദ്ധീകരിക്കും.ക്വാളിഫയർ കടന്നവർക്ക് കോഴ്‌സിന്റെ ഒന്നാം ഘട്ടത്തിന് രജിസ്റ്റർ ചെയ്യാൻ അവസരം നവംബർ ആറിന് നൽകും. തുടർന്ന് ക്ലാസുമായി മുന്നോട്ട് പോവാം. വർഷത്തിൽ രണ്ടു തവണയാണ് കോഴ്‌സ് ഇൻടേക്ക് നടക്കാറുള്ളത്. രണ്ടാമത്തെ ഇൻടേക്ക് ഇപ്പോൾ നടക്കുന്നത്. ഇത് കൂടാതെ JEE യോഗ്യതയുള്ളവർക്കും അവസരമുണ്ട്.
ഓൺലൈൻ പഠനസൗകര്യം
വിദ്യാർത്ഥികൾക്ക് രാജ്യത്ത് എവിടെ നിന്നും ഓൺലൈൻ ആയി ചേരാം. വിദേശത്തുള്ളവർക്കും അവസരമുണ്ടെങ്കിലും, വിദേശത്തുള്ള ക്വാളിഫൈയർ പരീക്ഷാ കേന്ദ്രങ്ങൾ നിലവിൽ യുഎഇ, ശ്രീലങ്ക ,ബഹ്‌റൈൻ, കുവൈറ്റ്, ഒമാൻ എന്നിവിടങ്ങളിൽ മാത്രമേയുള്ളൂ.
advertisement
ഒരേ സമയം രണ്ട് കോഴ്‌സുകൾ ചെയ്യാം
ഒന്നിലധികം കോഴ്‌സുകൾ ഒരേ സമയം ചെയ്യാനനുവദിക്കുകയും ഇതോടൊപ്പം തന്ന എൻട്രി, എക്‌സിറ്റ് ഓപ്ഷനുകൾ അനുവദിക്കുകയും ചെയ്യുന്ന ദേശീയ വിദ്യാഭ്യാസ നയത്തിന് (NEP) അനുസൃതമാണ് ഈ പ്രോഗ്രാം ഡിസൈൻ ചെയ്തിരിക്കുന്നത് . ചുരുക്കത്തിൽ മറ്റേതെങ്കിലും ഡിഗ്രി പ്രോഗ്രാമുകൾക്ക് നിലവിൽ പഠിച്ചു കൊണ്ടിരിക്കുന്ന വിദ്യാർത്ഥികൾക്കും ഈ ഓൺലൈൻ പ്രോഗ്രാമിന് ഒരേ സമയം അർഹതയുണ്ട്. ബിടെക്ക്, ബിഎസ്‌സി കോഴ്‌സുകൾ റെഗുലറായി ചെയ്യുന്നവർക്ക് ഈ കോഴ്‌സ് പാരലലായി ഓൺലൈൻ മോഡിൽ ചെയ്യാവുന്നതാണ്.
കോഴ്‌സിൻ്റെ ഘടന
ഫൌണ്ടേഷൻ പ്രോഗ്രാം, ഡിപ്ലോമ പ്രോഗ്രാം, ഡിഗ്രി പ്രോഗ്രാം(BSc), ഡിഗ്രി പ്രോഗ്രാം (ബിഎസ്) എന്നിങ്ങനെ നാല്‌ വ്യത്യസ്ത ഘട്ടങ്ങളിലായാണ് കോഴ്‌സ് വാഗ്ദാനം ചെയ്യുന്നത്. വിദ്യാർത്ഥികൾക്ക് പ്രോഗ്രാമിൽ നിന്ന് ഏതു സമയത്തും പുറത്തുകടക്കാനും അവർക്ക് എത്ര ലെവൽ ലഭിച്ചു എന്നതിനെ ആശ്രയിച്ച് സർട്ടിഫിക്കറ്റ്, ഡിപ്ലോമ അല്ലെങ്കിൽ ബിരുദം എന്നിവ ലഭിക്കാനുമുള്ള ഓപ്ഷനുകളും ഉണ്ടായിരിക്കും.
അർഹതയുള്ളവർക്ക് സ്കോളർഷിപ്പുകൾക്കവസരം
പിന്നാക്ക സമുദായങ്ങളിൽ നിന്നുള്ള വിദ്യാർത്ഥികൾക്ക്, ഐഐടി മദ്രാസ് 75% വരെ ഫീസ് ഇളവ് വാഗ്ദാനം ചെയ്യുന്നു. കുടുംബ വരുമാനം ഒരു ലക്ഷം രൂപയിൽ താഴെയാണെങ്കിൽ, അപേക്ഷാർത്ഥിയ്ക്ക് 75% ഫീസ് ഇളവ് ലഭിക്കും.
കൂടുതൽ വിവരങ്ങൾക്ക്: https://study.iitm.ac.in/ds/academics.html#AC1
അപേക്ഷ സമർപ്പണത്തിന്: https://ds.study.iitm.ac.in/auth/login?apply_qualifier=true&_gl=1*1tnohms*_gcl_au*MjAxMDM3NTU2OC4xNzE4MzM5Mzkx
തയാറാക്കിയത്: ഡോ ഡെയ്സൻ പാണേങ്ങാടൻ
(കഴിഞ്ഞ 15 വർഷക്കാലമായി ബിരുദ -ബിരുദാനന്തര തലങ്ങളിൽ അധ്യാപന രംഗത്തുള്ള ഡോ. ഡെയ്സൻ പാണേങ്ങാടന് എഞ്ചിനീയറിംഗ് കോളേജിലും അധ്യാപന പരിശീലന കേന്ദ്രങ്ങളിലും പഠിപ്പിച്ച അനുഭവസമ്പത്തുണ്ട്. 2013 മുതൽ തൃശ്ശൂർ സെന്റ് തോമസ് കോളേജിലെ ഫിസിക്സ് ഡിപ്പാർട്ടുമെന്റിൽ അസി.പ്രഫസർ. കരിയർ കൗൺസലിംഗും കരിയർ ഓറിയന്റേഷൻ ക്ലാസ്സുകളും സംസ്ഥാന തലത്തിൽ നടത്തുന്നു. (daisonpanengadan@gmail.com)