TRENDING:
സംസ്ഥാനത്തൊട്ടാകെ 2964 കേന്ദ്രങ്ങളിലും ലക്ഷദ്വീപിലെ 9 കേന്ദ്രങ്ങളിലും ഗള്ഫ് മേഖലയിലെ 7 കേന്ദ്രങ്ങളിലുമായി 4,27,021 വിദ്യാര്ത്ഥികള് റഗുലര് വിഭാഗത്തില് പരീക്ഷ എഴുതി. ആണ്കുട്ടികള് 2,17,696, പെണ്കുട്ടികള് 2,09,325. സര്ക്കാര് മേഖലയില് 1,42,298 വിദ്യാര്ത്ഥികളും എയിഡഡ് മേഖലയില് 2,55,092 വിദ്യാര്ത്ഥികളും അണ് എയിഡഡ് മേഖലയില് 29,631 വിദ്യാര്ത്ഥികളുമാണ് റഗുലര് വിഭാഗത്തില് പരീക്ഷയെഴുതിയത്. ഇത്തവണ ഗള്ഫ് മേഖലയില് 682 വിദ്യാര്ത്ഥികളും ലക്ഷദ്വീപ് മേഖലയില് 447 വിദ്യാര്ത്ഥികളും പരീക്ഷ എഴുതി. ഇവര്ക്ക് പുറമേ ഓള്ഡ് സ്കീമില് എട്ട് കുട്ടികളും പരീക്ഷ എഴുതിയിരുന്നു.
advertisement
റ്റിഎച്ച്എസ്എല്സി വിഭാഗത്തില് ഇത്തവണ 48 പരീക്ഷാകേന്ദ്രങ്ങളിലായി 3057 കുട്ടികളാണ് പരീക്ഷ എഴുതിയത്. അതില് ആണ്കുട്ടികള് 2,815, പെണ്കുട്ടികള് 242. എഎച്ച്എസ്എല്സി വിഭാഗത്തില് ഒരു പരീക്ഷാ കേന്ദ്രമാണുള്ളത്. ആര്ട്ട് ഹയര് സെക്കന്ററി സ്കൂള് കലാമണ്ഡലം ചെറുതുരുത്തിയില് 65 വിദ്യാര്ത്ഥികള് പരീക്ഷയെഴുതി. എസ്എസ്എല്സി (ഹിയറിംഗ് ഇംപയേര്ഡ്) വിഭാഗത്തില് 29 പരീക്ഷാ കേന്ദ്രങ്ങളിലായി 206 വിദ്യാര്ത്ഥികളും. റ്റിഎച്ച്എസ്എല്സി (ഹിയറിംഗ് ഇംപയേര്ഡ്) വിഭാഗത്തില് ഒരു പരീക്ഷാ കേന്ദ്രത്തില് 12 വിദ്യാര്ത്ഥികളുമാണുള്ളത്.
സംസ്ഥാനത്തൊട്ടാകെ 72 കേന്ദ്രീകൃത മൂല്യനിർണയ ക്യാമ്പുകളിലായി 2025 ഏപ്രില് 3 മുതല് 26 വരെ രണ്ട് ഘട്ടങ്ങളിലായി മൂല്യ നിർണയം കഴിഞ്ഞ് മാര്ക്ക് എന്ട്രി നടപടികള് പൂര്ത്തീകരിച്ചു. മെയ് മാസം ഒമ്പത് വെള്ളിയാഴ്ച ഫലം പ്രഖ്യാപിക്കുന്നതിന് ആവശ്യമായ മുന്നൊരുക്ക പ്രവര്ത്തനങ്ങള് നടന്നുവരുന്നുവെന്നും മന്ത്രിയുടെ ഓഫീസ് വാര്ത്താക്കുറിപ്പില് അറിയിച്ചു.
Click here to add News18 as your preferred news source on Google.