മാട്രിമോണിയൽ സൈറ്റിൽ പരിചയപ്പെട്ട യുവതിയെ വിവാഹവാഗ്ദാനം നൽകി പീഡിപ്പിച്ച ശേഷം മറ്റൊരു വിവാഹത്തിന് ഒരുങ്ങിയ യുവാവ് പിടിയിൽ

മാട്രിമോണിയൽ പരസ്യം വഴിയാണ് പ്രതി അരൂർ സ്വദേശിയായ യുവതിയെ പരിചയപ്പെടുന്നത്. തുടർന്ന് വിവാഹം കഴിക്കാമെന്ന് വിശ്വസിപ്പിച്ച് യുവതിയുമായി സൗഹൃദത്തിലാവുകയും ആലപ്പുഴയിലേക്ക് വിളിച്ചുവരുത്തുകയുമായിരുന്നു. ടൗണിലെ വിവിധ സ്ഥലങ്ങളിലും ബീച്ചിലും വെച്ച് യുവതിയെ പലതവണ പീഡിപ്പിച്ചതായാണ് പരാതി.

പീഡന ദൃശ്യങ്ങൾ പ്രതി മൊബൈൽ ഫോണിൽ പകർത്തിയതായും പോലീസ് കണ്ടെത്തിയിട്ടുണ്ട്. മറ്റൊരു വിവാഹത്തിന് പ്രതി തയ്യാറെടുക്കുന്നതിനിടെയാണ് യുവതി പരാതിയുമായി പോലീസിനെ സമീപിച്ചത്.