വീട്ടുവളപ്പിൽ നിന്ന് ചന്ദനമരം മുറിച്ച് വിറ്റ വീട്ടുടമ ഉൾപ്പെടെ മൂന്ന് പേർ അറസ്റ്റിൽ

മധുസൂദന കുറുപ്പിന്റെ വീട്ടുവളപ്പിൽ നിന്ന ചന്ദനമരമാണ് മുറിച്ചു കടത്തിയത്. സംഭവത്തിൽ അഞ്ചൽ വനപാലകർക്ക് ലഭിച്ച രഹസ്യ വിവരത്തെ തുടർന്ന് ഓയൂർ ടൌണിന് സമീപത്ത് വെച്ച് ഓട്ടോയിൽ കടത്തിയ 9 കഷണം ചന്ദനത്തടിയും ഓട്ടോയും കസ്റ്റഡിയിൽ എടുക്കുകയായിരുന്നു.

നിയമ നടപടികൾ പൂർത്തിയാക്കിയ ശേഷം മൂന്നുപേരെയും കോടതിയിൽ ഹാജരാക്കുമെന്ന് അഞ്ചൽ ഫോറസ്റ്റ് റെയ്ഞ്ച് ഓഫീസർ അജികുമാര്‍ പറഞ്ഞു.