നടൻ മോഹൻലാൽ സംഘടനയുടെ പ്രസിഡന്റായി തുടരുന്നതിനെ ഭൂരിപക്ഷം അംഗങ്ങളും അനുകൂലിച്ചതായി അറിയുന്നു. എന്നിരുന്നാലും, വീണ്ടും ആ സ്ഥാനം ഏറ്റെടുക്കാൻ അദ്ദേഹം വിമുഖത പ്രകടിപ്പിച്ചതായി റിപ്പോർട്ടുണ്ട്. ഈ സംഭവവികാസമാണ് തിരഞ്ഞെടുപ്പ് മാറ്റിവയ്ക്കാൻ കാരണമെന്ന് പറയപ്പെടുന്നു.
റിപ്പോർട്ടുകൾ പ്രകാരം, പുതിയ ഭരണസമിതിയെ തിരഞ്ഞെടുക്കാനായി അടുത്ത മൂന്ന് മാസത്തിനുള്ളിൽ 'അമ്മ' തിരഞ്ഞെടുപ്പ് നടത്തുമെന്ന് പ്രതീക്ഷിക്കുന്നു. ഇടക്കാലത്ത്, നിലവിലുള്ള അഡ്-ഹോക്ക് കമ്മിറ്റി സംഘടനയുടെ നടപടിക്രമങ്ങൾ കൈകാര്യം ചെയ്യുന്നത് തുടരും.
13 വർഷത്തിനുശേഷം നടൻ ജഗതി ശ്രീകുമാറും 'അമ്മ' യോഗത്തിൽ പങ്കെടുത്തു.
advertisement
എക്സിക്യൂട്ടീവ് കമ്മിറ്റിയിൽ ഉൾപ്പെടെയുള്ള അംഗങ്ങൾക്കെതിരെ ലൈംഗികാരോപണങ്ങൾ വർദ്ധിച്ചതിനെത്തുടർന്ന് പോയ വർഷം ഓഗസ്റ്റ് മാസത്തിൽ 'അമ്മ' ഭരണസമിതി പിരിച്ചുവിടുകയായിരുന്നു. മലയാള ചലച്ചിത്ര മേഖലയിലെ സ്ത്രീകൾ നേരിടുന്ന ലൈംഗിക പീഡന ആരോപണങ്ങൾ ഉൾപ്പെടെ പ്രശ്‌നങ്ങൾ അന്വേഷിച്ച ഹേമ കമ്മിറ്റി റിപ്പോർട്ട് പുറത്തുവന്നതിനെത്തുടർന്ന്, ധാർമ്മികതയുടെ പേരിൽ എക്സിക്യൂട്ടീവ് കമ്മിറ്റി പിരിച്ചുവിടാൻ തീരുമാനിക്കുകയായിരുന്നു. അമ്മയുടെ പ്രസിഡന്റ് മോഹൻലാലും സ്ഥാനം രാജിവച്ചു.
അമ്മ വൈസ് പ്രസിഡൻ്റുമാരായ ജയൻ ചേർത്തല, ജഗദീഷ്, ജോയിൻ്റ് സെക്രട്ടറി ബാബുരാജ്, ട്രഷറർ ഉണ്ണി മുകുന്ദൻ, എക്സിക്യൂട്ടീവ് കമ്മിറ്റി അംഗങ്ങളായ അൻസിബ ഹസ്സൻ, സരയു മോഹൻ, വിനു മോഹൻ, ടിനി ടോം, അനന്യ, സുരേഷ് കൃഷ്ണ, കലാഭവൻ ഷാജോൺ, സുരാജ് വെഞ്ഞാറമൂട്, ജോമോൾ, ജോയ് മാത്യു എന്നിവരാണ് രാജിവെച്ചത്.
Summary: The AMMA general body meeting held in Kochi on June 22, Sunday dispersed without reaching a consensus on electing the new governing body. Reportedly, an election is expected to take place in another three months. The meeting also had actor Jagathy Sreekumar in attendance, a first in 13 years