പറഞ്ഞതിലും നേരത്തെ കിഷ്കിന്ധാ കാണ്ഡം ഒടിടിയിലെത്തും ; റിലീസ് തീയതി പുറത്ത്

നേരത്തെ അനൗദ്യോഗിക റിപ്പോര്‍ട്ടുകളില്‍ ചിത്രം ഡിസംബറില്‍ എത്തുമെന്നാണ് പറഞ്ഞിരുന്നത്. എന്നാല്‍, ഒരു മാസം മുമ്പ്‌ തന്നെ ചിത്രം ഒടിടിയിലെത്തുമെന്ന് വിവരമാണ് ഇപ്പോൾ എത്തുന്നത്.നവംബര്‍ 19 ന് പ്രമുഖ പ്ലാറ്റ്ഫോം ആയ ഡിസ്നി പ്ലസ് ഹോട്ട്സ്റ്റാറിലൂടെയാണ് ചിത്രം എത്തുക. മലയാളത്തിന് പുറമെ തമിഴ്, ഹിന്ദി, തെലുങ്ക്, കന്നഡ ഭാഷകളിലും ചിത്രം എത്തും. പ്ലാറ്റ്ഫോം തന്നെയാണ് ഇക്കാര്യം ഔദ്യോഗികമായി അറിയിച്ചിരിക്കുന്നത്.

ഓണം റിലീസ് ആയി സെപ്റ്റംബര്‍ 12 ന് ആണ് കിഷ്കിന്ധാ കാണ്ഡം തിയറ്ററുകളിലെത്തിയത്. വലിയ പ്രീ റിലീസ് പബ്ലിസിറ്റി കൂടാതെയാണ് ചിത്രം എത്തിയത് എങ്കിലും ആദ്യ ദിനം തന്നെ മികച്ച പ്രേക്ഷകാഭിപ്രായം നേടുന്നതില്‍ വിജയിക്കുകയായിരുന്നു.