TRENDING:
തീം ഉള്പ്പടെ ആറ് ട്രാക്കുകളാണ് സിനിമയില് ഉള്ളത്. പാണന് പാട്ടുകളെ ധ്വനിപ്പിക്കുന്ന തരത്തിലും നിഗൂഢതകള് സമ്മാനിക്കുന്ന തരത്തിലുമുള്ളതാണ് പാട്ടുകള്. ഭ്രമയുഗം ട്രാക്കുകള് യുട്യൂബിലും പ്രധാന സ്ട്രീമിംഗ് പ്ലാറ്റ് ഫോമിലും ലഭ്യമാണ്. ക്രിസ്റ്റോ സേവ്യര് ആണ് സംഗീതം നല്കിയിരിക്കുന്നത്. ദിന് നാഥ് പുത്തഞ്ചേരി, അമ്മു മരിയ അലക്സ് എന്നിവരാണ് രചയിതാക്കള്. ക്രിസ്റ്റോ സേവ്യര്, അഥീന, സായന്ത് എസ് എന്നിവര് ഗാനങ്ങള് ആലപിച്ചിപിക്കുന്നു.
advertisement
സൗണ്ട് ട്രാക്കിനൊപ്പം ഭ്രമയുഗത്തിന്റെ പുതിയ പോസ്റ്ററും പുറത്തുവന്നിട്ടുണ്ട്. ഒരു മന്ത്രവാദക്കളത്തിന്റെ മുന്നില്, തന്റെ ആരാധന മുര്ത്തിയെ ആരാധിക്കാനിരിക്കുന്ന മമ്മൂട്ടി കഥാപാത്രത്തെ പോസ്റ്ററില് നിന്നും ദൃശ്യമാണ്. നേരത്തെ പുറത്തുവന്ന ടീസറില് നിന്നും ചിത്രമൊരു പ്രേത കഥയെയോ മന്ത്രവാദത്തെയോ ധ്വനിപ്പിക്കുന്നതാകുമെന്ന് ഉറപ്പ് ന്കിയിരുന്നു. ഇത് ഊട്ടി ഉറപ്പിക്കുന്നതാണ് പുത്തന് അപ്ഡേറ്റുകളും.
അതേസമയം, ഭ്രമയുഗം ഫെബ്രുവരി 15ന് തിയറ്ററുകളില് എത്തും. ഭ്രമയുഗത്തിന്റെ ഔദ്യോഗിക പേജ് വഴി ഇക്കാര്യം ഉറപ്പിച്ചിട്ടുണ്ട്. ചിത്രത്തിന്റെ കഥ എഴുതി സംവിധാനം ചെയ്തിരിക്കുന്നത് രാഹുല് സദാശിവന് ആണ്. ഷെഹ്നാദ് ജലാല് കടഇ ആണ് ഛായാഗ്രാഹകന്. രാമചന്ദ്ര ചക്രവര്ത്തിയും എസ് ശശികാന്തുമാണ് നിര്മാതാക്കള്. മമ്മൂട്ടിയോടൊപ്പം അർജുൻ അശോകൻ, സിദ്ധാർത്ഥ് ഭരതൻ, അമൽഡ ലിസ് എന്നിവരും സുപ്രധാന വേഷങ്ങളിലെത്തുന്ന ചിത്രം മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലായാണ് ഒരുങ്ങുന്നത്.
Click here to add News18 as your preferred news source on Google.