വിക്രം, ജയം രവി, കാര്‍ത്തി, ശരത് കുമാര്‍, പാര്‍ത്ഥിപന്‍, റഹ്മാന്‍, ജയറാം, റിയാസ് ഖാന്‍, പ്രകാശ് രാജ്, ഐശ്വര്യറായ്, തൃഷ, ഐശ്വര്യ ലക്ഷ്മി, ശോഭിത ധുലീപാല തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. രവിവര്‍മ്മന്‍ ഛായാഗ്രഹണം നിര്‍വഹിച്ചിരിക്കുന്ന ചിത്രം ശ്രീകര്‍ പ്രസാദാണ് എഡിറ്റ് ചെയ്തിരിക്കുന്നത്. ചെന്നൈ നെഹ്രു സ്റ്റേഡിയത്തില്‍ നടന്ന ചടങ്ങില്‍ കമല്‍ഹാസനാണ് പൊന്നിയിന്‍ സെല്‍വന്‍ 2 ട്രെയിലര്‍ പുറത്തിറക്കിയത്.
advertisement
എ.ആര്‍ റഹ്മാന്‍ ആണ് സംഗീത സംവിധാനം. തമിഴ്, തെലുങ്ക്, മലയാളം,കന്നട, ഹിന്ദി ഭാഷകളിലായി ഏപ്രില്‍ 28ന് ലോകമെമ്പാടുമുള്ള തീയേറ്ററുകളില്‍ ചിത്രം റീലീസ് ചെയ്യും. സിനിമയുടെ സാറ്റലൈറ്റ് റൈറ്റ്സ് സണ്‍ ടിവിയും ഡിജിറ്റല്‍ പ്രിമിയര്‍ അവകാശം ആമസോണ്‍ പ്രൈമും വന്‍ തുകയ്ക്ക് സ്വന്തമാക്കിയിരുന്നു. സുബ്ബാസ്കരന്‍റെ ലൈക പ്രൊഡക്ഷന്‍സും മണിരത്നത്തിന്‍റെ മദ്രാസ് ടാക്കീസും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.