പുൽവാമ ആക്രമണം: പാകിസ്ഥാൻ ക്ഷണം നിരസിച്ച്‌ ജാവേദ് അക്തറും ശബാന അസ്മിയും

പരിശീലനം കഴിഞ്ഞു മടങ്ങുകയായിരുന്ന സി.ആർ.പി.എഫ്. ജവാന്മാരുടെ വാഹനവ്യൂഹത്തിനു നേരെ വ്യാഴാഴ്ച ഉണ്ടായ ഭീകരാക്രമണത്തിൽ 40 ജവാന്മാർ വീരമൃത്യു വരിച്ചിരുന്നു. സ്ഫോടകവസ്തുക്കൾ നിറച്ച കാർ വാഹനവ്യൂഹത്തിലേക്ക് ഇടിച്ചു കയറ്റുകയായിരുന്നു. ആക്രമണത്തിന്റെ ഉത്തരവവാദിത്തം ജെയ്ഷ്-എ-മുഹമ്മദ് ഏറ്റെടുക്കുകയായിരുന്നു.

ആക്രമണത്തെ അപലപിച്ചു കൊണ്ടും അക്തറിന്റെ പോസ്റ്റുണ്ട്. "എനിക്ക് സി.ആർ.പി.എഫുമായി ഒരു പ്രത്യേക ബന്ധം തന്നെയുണ്ട്. ഞാൻ അവരുടെ ഗാനം രചിച്ചിട്ടുണ്ട്. എഴുതി തുടങ്ങുന്നതിനു മുൻപ്, ഞാൻ അനവധി സി.ആർ.പി.എഫ്. ജവാന്മാരെ കാണുകയുണ്ടായി. അതെനിക്ക് അവരോടുള്ള ബഹുമാനവും, മതിപ്പും പലമടങ്ങു വർധിപിച്ചു. ഇന്ന് ഞാൻ രക്തസാക്ഷികളുടെ പ്രിയപ്പെട്ടവരുടെ ദുഃഖം പങ്കുവയ്ക്കുന്നു."

ആക്രമണത്തെ 'ഹീനകൃത്യം' എന്ന് വിളിച്ചു കൊണ്ട് ട്വിറ്ററിൽ ആസ്മി ഇങ്ങനെ കുറിക്കുന്നു. "ഈ മനസാക്ഷിയില്ലാത്ത നരനായാട്ടിന്, മനുഷ്യ ജീവനോടുള്ള അവമതിക്ക്‌, അറുതിയില്ലേ? പുൽവാമയിൽ നിന്നും ഞെട്ടിക്കുന്ന വാർത്തയാണ് കേൾക്കുന്നത്. ഏറ്റവും ഹീനമായ ഈ ഭീകരാക്രമണത്തെ ഞാൻ ശക്തമായി അപലപിക്കുന്നു. ജീവൻ നഷ്ടപ്പെട്ടവരുടെ കുടുംബങ്ങളുടെ ദുഃഖത്തിൽ പങ്ക് ചേരുന്നു."

ബോളിവുഡ് താരങ്ങളായ ഷാരൂഖ് ഖാൻ, അക്ഷയ് കുമാർ, ആലിയ ഭട്ട്, പ്രിയങ്ക ചോപ്ര, സൽമാൻ ഖാൻ, അഭിഷേക് ബച്ചൻ എന്നിവരും ആക്രമണത്തെ അപലപിച്ചിട്ടുണ്ട്.