രജനികാന്ത് ഉൾപ്പെടുന്ന പ്രൗഢ ഗംഭീരമായ ചടങ്ങിലേക്ക് മാധ്യമങ്ങൾക്കു പോലും പ്രവേശനം ഉണ്ടായിരുന്നില്ല. എന്നാൽ ഇപ്പോൾ പുറത്തു വരുന്ന വിവരം ഈ ചിത്രത്തിൽ മോഹൻലാലിൻറെ മകനായി മറ്റൊരു മലയാളി താരം എത്തുമെന്നാണ്. മലയാളിയായ ആര്യ മോഹൻലാലിൻറെ മകന്റെ വേഷത്തിൽ എത്തുമെന്നാണ് റിപ്പോർട്ട്.
കഴിഞ്ഞ വർഷം, ജന്മാഷ്ടമിദിനത്തിൽ നടൻ പ്രധാനമന്ത്രിയുമായി കൂടിക്കാഴ്ച നടത്തിയ വാർത്തകളും ചിത്രങ്ങളും ഇതുമായി ബന്ധപ്പെട്ടതാണോ എന്ന സംശയം ഇതിനു തൊട്ടു പിന്നാലെ ഉയർന്നിരുന്നു. പ്രധാനമന്ത്രിയുമായി സാമ്യമുള്ള രൂപ ഭാവവും ഒരു കാരണമായി ചൂണ്ടിക്കാട്ടപ്പെട്ടു.
advertisement
ജില്ലക്ക് ശേഷം ലാലിൻറെ തമിഴിലേക്കുള്ള ശക്തമായ തിരിച്ചു വരവായിരിക്കും ചന്ദ്രകാന്ത് വർമ്മ. ആർമി കമാൻഡോയായി സൂര്യ എത്തുമെന്നാണു വിവരം. പ്രിയദർശൻ സംവിധാനം ചെയ്യുന്ന മരയ്ക്കാർ അറബിക്കടലിന്റെ സിംഹം പൂർത്തിയാക്കിയ മോഹൻലാലിൻറെ അടുത്ത ചിത്രം ഇട്ടിമാണി മെയ്ഡ് ഇൻ ചൈന ഓണത്തിന് തിയേറ്ററിലെത്തും. ബിഗ് ബ്രദർ ആണ് മറ്റൊരു ചിത്രം.