ധ്യാൻ ശ്രീനിവാസൻ-ഗോകുൽ സുരേഷ് ചിത്രം സായാഹ്‌ന വാർത്തകൾ ഫസ്റ്റ് ലുക്ക്

ഗോകുൽ നായക വേഷത്തിലെത്തുന്നെന്ന പ്രത്യേകതയുമുണ്ടു ഈ ചിത്രത്തിന്. സൂത്രക്കാരൻ, ഉൾട എന്നീ ചിത്രങ്ങൾ കൂടി ഗോകുലിന്റേതായി അണിയറയിൽ  ഒരുങ്ങുകയാണ്. ഗിന്നസ് പക്രുവിന്റെ ചിത്രം ഇളയരാജയിൽ ഗോകുൽ അതിഥി വേഷത്തിൽ എത്തുന്നുണ്ട്.

സംവിധായകനാവാനുള്ള തയ്യാറെടുപ്പിലാണു ധ്യാൻ ശ്രീനിവാസൻ. നിവിൻ പോളി- നയൻതാര എന്നിവർ വേഷമിടുന്ന ലവ്, ആക്ഷൻ, ഡ്രാമയുടെ ഷൂട്ടിംഗ് ആരംഭിച്ചിരിക്കുന്നു. ശ്രീനിവാസൻ, പാർവതി നായികാ നായകന്മാരായ വടക്കുനോക്കിയന്ത്രത്തിന്റെ ആധുനിക കാല പതിപ്പാണ് ചിത്രം. ശോഭ, ദിനേശൻ എന്നീ പ്രധാന കഥാപാത്രങ്ങളെ അവതരിപ്പിക്കുന്നത് നിവിനും നയൻതാരയുമാണ്.

advertisement

വിനീത് ശ്രീനിവാസന്റെ സഹായിയായി പ്രവർത്തിച്ചിട്ടുണ്ടു സംവിധായകൻ. നവാഗതരുടെ കൂട്ടായ്മയാണ് ചിത്രത്തിന്റെ നിർമാണത്തിന് പിറകിൽ. സച്ചിൻ ആർ. ചന്ദ്രനാണു തിരക്കഥ. ക്യാമറ ശരത് ഷാജി. പ്രശാന്ത് പിള്ളയുടേതാണു സംഗീതം.