വാഴത്തോപ്പിൽ ഒറ്റപ്പെട്ടു നിൽക്കുന്ന ജോർജുകുട്ടി; വേഷം കൈലിമുണ്ടും ഷർട്ടും; പുത്തൻ അപ്‌ഡേറ്റുമായി 'ദൃശ്യം 3'

'ദൃശ്യം 3' ഇതിനകം പ്രീ-ബിസിനസിൽ 350 കോടി രൂപ നേടിയിട്ടുണ്ടെന്ന് നിർമാതാവ് എം. രഞ്ജിത്ത് (രജപുത്ര രഞ്ജിത്ത്) വെളിപ്പെടുത്തിയിരുന്നു. ഒരു മലയാള സിനിമ ഇതുവരെ രേഖപ്പെടുത്തിയിട്ടുള്ളതിൽ വച്ച് ഏറ്റവും ഉയർന്ന ബിസിനസാണിത്. നിർമ്മാണത്തിലിരിക്കെ ഒരു ഇന്ത്യൻ പ്രാദേശിക ഭാഷാ ചിത്രത്തിനും ഇത്രയും വലിയ വരുമാനം ലഭിച്ചിട്ടില്ലെന്ന് നിർമ്മാതാവ് എടുത്തുപറഞ്ഞു.

മുൻകാല റെക്കോർഡ് ഭേദിച്ച മലയാള ബ്ലോക്ക്ബസ്റ്ററുകൾ പൂർണ്ണമായും തിയേറ്ററുകളിൽ പ്രദർശനം നടത്തിയതിനുശേഷവും കിട്ടിയ വരുമാനം ഇപ്പോൾ 'ദൃശ്യം 3' പൂർത്തിയാകുന്നതിന് മുമ്പ് നേടിയതിനേക്കാൾ കുറവാണ്. ഉയർന്ന നിലവാരമുള്ള സിനിമകളുടെ എണ്ണവും കേരളത്തിലെ മികച്ച തിയറ്റർ സൗകര്യങ്ങളും വർദ്ധിച്ചുവരുന്നതിനാൽ മലയാള സിനിമ അവിശ്വസനീയമായ ഉയരങ്ങളിലെത്തിയിട്ടുണ്ടെന്നും രഞ്ജിത്ത് കൂട്ടിച്ചേർത്തു. സിനിമകൾ വാണിജ്യപരമായി വിജയിക്കുമ്പോൾ, ആത്യന്തികമായി ഏറ്റവും വലിയ സാമ്പത്തിക നേട്ടം സർക്കാരിനാണ് ലഭിക്കുന്നതെന്ന് അദ്ദേഹം ചൂണ്ടിക്കാട്ടി.

advertisement

ഈ നേട്ടത്തോടെ, മലയാള സിനിമയിലെ ഏറ്റവും വലിയ വാണിജ്യ എന്റർടെയ്‌നർ എന്ന സ്ഥാനം 'ദൃശ്യം' ഫ്രാഞ്ചൈസി ഉറപ്പിക്കുന്നു. മലയാള സിനിമാ ചരിത്രത്തിലെ ഏറ്റവും മികച്ച കഥാപാത്രങ്ങളിൽ ഒന്നായി മോഹൻലാലിന്റെ ജോർജ്ജ്കുട്ടി എന്ന കഥാപാത്രം മാറിക്കഴിഞ്ഞു. മലയാള സിനിമയിൽ 100 ​​കോടി രൂപ കളക്ഷൻ നേടിയ ആദ്യ ചിത്രമാണ് മോഹൻലാലിന്റെ 'പുലിമുരുകൻ'.

ചിത്രീകരണം പൂർത്തിയാക്കിയ സിനിമയുടെ പോസ്റ്റ് പ്രൊഡക്ഷൻ ജോലികൾ പുരോഗമിച്ചു വരുന്നു. ആഗോള തലത്തിൽത്തന്നെ ശ്രദ്ധയാകർഷിച്ചിരിക്കുന്ന ചിത്രമാണ് ദൃശ്യം-3. ജോർജ് കുട്ടിയേയും കുടുംബത്തേയും വരവേൽക്കാനായി കാത്തിരിക്കുകയാണ് പ്രേക്ഷകർ. പി.ആർ.ഒ.- വാഴൂർ ജോസ്.

Summary: George Kutty standing alone among the banana trees in the backyard. Wearing a t-shirt and lungi. The appearance of an ordinary person. The expression on his face shows that he has a lot of conflicts in his mind. The new poster of 'Drishyam 3' has arrived with Mohanlal's George Kutty's new look that has captivated the audience. The film is written and directed by Jeethu Joseph and is being produced by Antony Perumbavoor under the banner of Aashirvad Cinemas.