തമിഴ് കവിയും ​ ഗാനരചയിതാവുമായ വൈരമുത്തുവിന് ജ്ഞാനപീഠ പുരസ്‌കാരം

1980-ൽ ഭാരതിരാജയുടെ 'നിഴൽകൾ' എന്ന ചിത്രത്തിലൂടെ സിനിമാരംഗത്ത് ചുവടുവെച്ച അദ്ദേഹം ഇതിനോടകം ഏഴായിരത്തി അഞ്ഞൂറിലധികം ഗാനങ്ങളും കവിതകളും രചിച്ചിട്ടുണ്ട്. ഏഴ് തവണ ദേശീയ പുരസ്‌കാരം നേടിയ വൈരമുത്തുവിനെ പത്മശ്രീ, പത്മഭൂഷൺ ബഹുമതികൾ നൽകിയും രാജ്യം ആദരിച്ചിട്ടുണ്ട്. കേവലം ഗാനരചനയിൽ ഒതുങ്ങാതെ നോവൽ സാഹിത്യത്തിലും അദ്ദേഹം തൻ്റേതായ വലിയ മുദ്ര പതിപ്പിച്ചു. 1999-ൽ 'തണ്ണീർ ദേശം' എന്ന കൃതിയിലൂടെ എസ്.പി. അടിത്തനാർ സാഹിത്യ അവാർഡും, 2003-ൽ 'കള്ളികട്ടു ഇതിഹാസം' എന്ന വിഖ്യാത കൃതിയിലൂടെ കേന്ദ്ര സാഹിത്യ അക്കാദമി അവാർഡും അദ്ദേഹം സ്വന്തമാക്കി. കള്ളികട്ടു ഇതിഹാസത്തിൻ്റെ ഹിന്ദി പതിപ്പിന് 2018-ൽ ഫെഡറേഷൻ ഓഫ് ഇന്ത്യൻ ചേമ്പേഴ്‌സ് ഓഫ് കൊമേഴ്‌സിൻ്റെ പ്രത്യേക പുരസ്‌കാരവും ലഭിച്ചിരുന്നു.

advertisement

കൂടാതെ 'മൂൻറാം ഉലക പോർ' എന്ന നോവലിന് ഇലക്കിയ ചിന്തനൈ അവാർഡും തൻശ്രീ കെ.ആർ. സോമസുന്ദരം ഫൗണ്ടേഷൻ്റെ പുരസ്‌കാരവും ലഭിക്കുകയുണ്ടായി. ഇന്ത്യൻ സാഹിത്യത്തിന് നൽകിയ വലിയ സേവനങ്ങൾക്ക് 2009-ൽ 'സാധന സമ്മാൻ' നൽകിയും അദ്ദേഹത്തെ ആദരിച്ചു. .