അനുമതിയില്ലാതെ ‘കൊടുമൺ പോറ്റി’യെ അവതരിപ്പിച്ചാൽ ഇനി പെടും ;മുന്നറിയിപ്പുമായി ‘ഭ്രമയുഗം’ നിർമാതാക്കൾ

വാണിജ്യ ആവശ്യങ്ങൾ ,ഗാനങ്ങളുടെ കവർ പതിപ്പുകൾ ഉണ്ടാക്കുന്നതിന് ,നാടകങ്ങൾ ,സ്കിറ്റുകൾ ,സ്റ്റേജ് പ്രോഗ്രാമുകൾ, ബ്രാൻഡുകൾക്ക് വേണ്ടിയുള്ള പൊതുപരിപാടികൾ , സ്വകാര്യപരിപാടികൾ, തീം പാർട്ടികൾ അല്ലെങ്കിൽ ആരാധകർ ഉണ്ടാക്കിയ ഉള്ളടക്കം എന്നിവ ഉൾപ്പെടെയുള്ളവ ഉപയോഗിക്കണമെങ്കിൽ നിയമപരമായ അനുമതിയോ ലൈസൻസ് വാങ്ങണം എന്നാണ് നിർമ്മാണ കമ്പനി അറിയിച്ചിരിക്കുന്നത് .അനധികൃതമായി ഇവ ഉപയോഗിച്ചാൽ നിയമനടപടി സ്വീകരിക്കുമെന്നും നിർമാതാക്കൾ പറയുന്നു.

advertisement

ഭൂതകാലത്തിനുശേഷം രാഹുൽ സദാശിവൻ സംവിധാനം ചെയ്ത ചിത്രത്തിൽ മമ്മൂട്ടിക്കൊപ്പം അർജുൻ അശോകൻ ,സിദ്ധാർഥ് ഭരതൻ ,മണികണ്ഠൻ , തുടങ്ങിയവർ ആണ് കേന്ദ്ര കഥാപാത്രങ്ങളായി എത്തിയത് .കൊടുമൺ പോറ്റി എന്ന മാന്ത്രിക കഥാപാത്രമായാണ് മമ്മൂട്ടി ചിത്രത്തിൽ എത്തിയത് .മലയാളം, തമിഴ്, കന്നട ,തെലുങ്ക് ,ഹിന്ദി തുടങ്ങി അഞ്ച് ഭാഷകളിലാണ് സിനിമ റിലീസ് ചെയ്തത്.