ഒഡീഷയിലെ SCB മെഡിക്കൽ‌ കോളേജ് ആശുപത്രിയിൽ വൻ തീപിടിത്തം; 10 രോ​ഗികൾ‌ മരിച്ചു

ഐസിയുവിലുണ്ടായിരുന്ന രോ​ഗികളെ മാറ്റുന്നതിനിടെയാണ് ജീവനക്കാർക്ക് പൊള്ളലേറ്റത്. ​ഗുരുതരാവസ്ഥയിലുള്ള രോ​ഗികളെ ചികിത്സിച്ചിരുന്ന ആശുപത്രിയിലെ ട്രോമ കെയർ വിഭാ​ഗത്തിലെ ഐസിയുവിലാണ് തീപിടിത്തമുണ്ടായത്. പുലർച്ചെ 2.30 നും മൂന്ന് മണിക്കും ഇടയിലായിരുന്നു സംഭവം.

അ​ഗ്നിരക്ഷാസേനയും മറ്റ് ഉദ്യോ​ഗസ്ഥരും സ്ഥലത്തെത്തി തീനിയന്ത്രണവിധേയമാക്കുകയും പ്രാഥമിക അന്വേഷണം നടത്തുകയും ചെയ്തു. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് വിവരം. 23 രോഗികളെ മറ്റ് വകുപ്പുകളിലേക്ക് മാറ്റി. ‌

മുഖ്യമന്ത്രിയും ആരോ​ഗ്യമന്ത്രി മുകേഷ് മഹാലിംഗും ആശുപത്രിയിലെത്തി സ്ഥിതി​ഗതികൾ വിലയിരുത്തി. മരിച്ചവരുടെ കുടുംബങ്ങൾക്ക് 25 ലക്ഷം രൂപ ധനസഹായം പ്രഖ്യാപിച്ചിട്ടുണ്ട്. പരിക്കേറ്റവർക്ക് കൃത്യമായ ചികിത്സ നൽകണമെന്ന് മുഖ്യമന്ത്രി ഉദ്യോ​ഗസ്ഥർക്ക് നിർദേശം നൽകി.

advertisement