കേരളത്തിൽ നിയമസഭാ തിരഞ്ഞെടുപ്പ് ഏപ്രിൽ 9ന്

• കേരളത്തിൽ പരസ്യ പ്രചാരണത്തിന് പരമാവധി 24 ദിവസം ലഭിക്കും.
• ഏപ്രിൽ 9ന് വോട്ടെടുപ്പ് നടക്കുന്ന സംസ്ഥാനങ്ങളിൽ മാർച്ച് 16 മുതൽ നാമനിർദേശ പത്രിക സമർപ്പിക്കാം.
• പത്രിക നൽകുന്നതിനുള്ള അവസാന തീയതി മാർച്ച് 23.
• സൂക്ഷ്മ പരിശോധന മാർച്ച് 24.
• പത്രിക പിൻവലിക്കാനുള്ള അവസാന തീയതി മാർച്ച് 26.
• പരസ്യ പ്രചാരണത്തിനുള്ള അവസാന തീയതി ഏപ്രിൽ 7.
• അഞ്ച് സംസ്ഥാനങ്ങളിലും വോട്ടെണ്ണലും ഫലപ്രഖ്യാപനവും മെയ് 4-ന്.

സംസ്ഥാനത്ത് 14 പട്ടിക ജാതി സംവരണ സീറ്റുകളും 2 പട്ടികവർഗ സീറ്റുകളുമടക്കം 140 സീറ്റുകളാണ് ഉള്ളത്. ഏറ്റവും കൂടുതൽ (16)മലപ്പുറം ജില്ലയിലും ഏറ്റവും കുറവ് (3)വയനാട്ടിലും.

advertisement

കേരളത്തിൽ 2.7 കോടി വോട്ടർമാരാണുള്ളത്. ഇതിൽ 1.31 കോടി പുരുഷ വോട്ടർമാരും 1.38 കോടി വനിതാ വോട്ടർമാരുമാണുള്ളത്. ആകെയുള്ള 140 നിയമസഭാ മണ്ഡലങ്ങളിൽ 124 ജനറൽ മണ്ഡലങ്ങളും, 14 എസ് സി സംവരണ മണ്ഡലങ്ങളും 2 എസ് ടി സംവരണ മണ്ഡലങ്ങളുമാണ്. 790 മാതൃകാ പോളിംഗ് ബൂത്തുകളും സംസ്ഥാനത്ത് ഒരുക്കിയിട്ടുണ്ട്. പോളിംഗ് സ്റ്റേഷനുകളിൽ വയോജനങ്ങൾക്കും ഭിന്നശേഷിക്കാർക്കും പ്രത്യേകം സൌകര്യം ഒരുക്കും.