'നീക്കങ്ങൾ നിരീക്ഷിക്കുന്നു': ട്രംപിന്റെ തീരുവ യുഎസ് സുപ്രീം കോടതി റദ്ദാക്കിയതിന് പിന്നാലെ കേന്ദ്രത്തിൻ്റ പ്രതികരണം

അടിയന്തര അധികാരങ്ങൾ ഉപയോഗിച്ച് ആഗോളതലത്തിൽ നികുതി ചുമത്താൻ ട്രംപ് ഭരണകൂടത്തിന് നിയമപരമായ അധികാരമില്ലെന്ന സുപ്രീം കോടതി വിധി സർക്കാരിന് വലിയ തിരിച്ചടിയായിരുന്നു. ഈ വിധിയെ കേന്ദ്രം ഗൗരവമായി പരിശോധിക്കുമെന്നും വാണിജ്യ മന്ത്രാലയമോ വിദേശകാര്യ മന്ത്രാലയമോ ഇതിൽ ഔദ്യോഗികമായി പ്രതികരിക്കുമെന്നും കേന്ദ്രമന്ത്രി പ്രഹ്ലാദ് ജോഷിയും ശനിയാഴ്ച പറഞ്ഞിരുന്നു.

ഇറക്കുമതി ചെയ്യുന്ന ഉൽപ്പന്നങ്ങൾക്ക് മേൽ വ്യാപകമായ നികുതി ചുമത്താൻ 1977-ലെ ഇന്റർനാഷണൽ എമർജൻസി ഇക്കണോമിക് പവേഴ്‌സ് ആക്ട് (IEEPA) ഒരു പ്രസിഡന്റിന് അധികാരം നൽകുന്നില്ലെന്ന് 6-3 എന്ന ഭൂരിപക്ഷത്തോടെ കോടതി വ്യക്തമാക്കി. കോടതിയുടെ ഈ പുതിയ വിധി നികുതിയിനത്തിൽ അടച്ച പതിനായിരക്കണക്കിന് കോടി ഡോളറുകൾ തിരികെ ആവശ്യപ്പെട്ടുകൊണ്ടുള്ള അവകാശവാദങ്ങൾക്ക് വഴിതുറന്നേക്കും.

advertisement