EVM തട്ടിപ്പ്: സയിദ് ഷുജയുടെ വാദങ്ങൾ തള്ളി വാർത്താസമ്മേളന സംഘാടകരും

• EVM തട്ടിപ്പാരോപിച്ച സയിദ് ഷുജ 2014ൽ ആ കമ്പനിയിൽ ജോലി ചെയ്തിരുന്നില്ല

advertisement

തിങ്കളാഴ്ചയാണ് ലണ്ടനിൽ സ്കൈപ്പിലൂടെ സയിദ് ഷുജ ആരോപണങ്ങൾ നടത്തിയത്. ലണ്ടനിലെ ഇന്ത്യൻ ജേണലിസ്റ്റ് അസോസിയേഷനാണ് പരിപാടി സംഘടിപ്പിച്ചത്. ബിജെപി നേതാവ് ഗോപിനാഥ് മുണ്ടെയുടെ മരണത്തിന് വോട്ടിംഗ് യന്ത്രത്തിലെ ക്രമക്കേടുമായി ബന്ധമുണ്ടെന്നും ഷുജ ആരോപിച്ചിരുന്നു. മുണ്ടെയുടെ മരണവുമായി ബന്ധപ്പെട്ട് അന്വേഷിച്ച എൻഐഎ ഓഫീസർ തൻസിൽ അഹമ്മദിനെ കൊലപ്പെടുത്തിയതെന്നാണ് ഷുജ അവകാശപ്പെട്ടത്. എന്നാൽ ഇതും തെറ്റാണെന്ന് എൻഐഎ ചൂണ്ടിക്കാട്ടുന്നു. ഗോപിനാഥ് മുണ്ടെയുടെ മരണം അന്വേഷിച്ചത് എൻഐഎ ആയിരുന്നില്ല, സിബിഐ ആയിരുന്നു. കൊല്ലപ്പെടുന്നതിന് മുൻപേ ഇന്ത്യൻ മുജാഹിദീനുമായി ബന്ധപ്പെട്ട കേസായിരുന്നു തൻസിൽ അഹമ്മദ് അന്വേഷിച്ചിരുന്നത്.