പാമ്പിനെ കടത്താൻ ശ്രമിച്ച യുവാവിനെ വനം വകുപ്പ് ഉദ്യോഗസ്ഥർ പിടികൂടി|Forest department officials arrest youth who tried to smuggle snake

ഹൈവേയിൽ വനം വകുപ്പ് ഉദ്യോഗസ്ഥർ പട്രോളിംഗ് നടത്തുമ്പോഴാണ് സംശയാസ്പദമായി യുവാവിനെ കാണുന്നത്

കന്യാകുമാരി : പാമ്പിനെ കടത്താൻ ശ്രമിച്ച യുവാവിനെ വനം വകുപ്പ് ഉദ്യോഗസ്ഥർ പിടികൂടി. മാർത്താണ്ഡം സ്വാമിയാർ മഠ സ്വദേശി ശിവകുമാർ (33) നെയാണ് കന്യാകുമാരി ജില്ലാ വനം വകുപ്പ് ഉദ്യോഗസ്ഥർ പിടികൂടിയത്. കന്യാകുമാരി ജില്ലയിലെ റിസർവ് വനത്തിന് കീഴിലുള്ള പാങ്കുടി ഹൈവേയിൽ വനം വകുപ്പ് ഉദ്യോഗസ്ഥർ പട്രോളിംഗ് നടത്തുവാൻ എത്തിയപ്പോഴാണ് സംശയാസ്പദമായി യുവാവിനെ കാണുന്നത്.

തുടർന്ന് നടത്തിയ പരിശോധനയിലാണ് യുവാവിൻ്റെ കൈവശത്തിന് പാമ്പിനെ കണ്ടെത്തിയത്. അധനികൃതമായി പാമ്പിനെ കടത്താൻ ശ്രമിച്ച തുടർന്ന് കന്യാകുമാരി ജില്ലാ വനം വകുപ്പ് വനം നിയമ പ്രകാരം കേസെടുത്തു പ്രതിയെ കോടതിയിൽ ഹാജരാക്കി റിമാൻഡ് ചെയ്തു.