തമിഴ് നാട്ടിൽ വാഹനാപകടത്തിൽ നാല് മലയാളികൾ മരിച്ചു; അപകടത്തിൽപ്പെട്ടത് വേളാങ്കണ്ണിയിലേക്ക് പോയവർ

വേളാങ്കണ്ണിയിലേക്ക് തീർത്ഥാടന യാത്രയ്ക്ക് പോയ സംഘമാണ് അപകടത്തിൽപ്പെട്ടത്. ഇവര്‍ സഞ്ചരിച്ചിരുന്ന ഓമ്‌നിവാന്‍, സര്‍ക്കാര്‍ ബസുമായി കൂട്ടിയിടിക്കുകയായിരുന്നു.ഞായറാഴ്ച രാവിലെയായിരുന്നു അപകടം. ആകെ 7 പേരായിരുന്നു വാനിലുണ്ടായിരുന്നത്.

പരിക്കേറ്റ കാഞ്ഞിരംകുളം സ്വദേശി റജീനസ്, തിരുവനന്തപുരം നെല്ലിമൂട് സ്വദേശികളായ സാബി, സുനില്‍ എന്നിവരെ സാരമായ പരിക്കുകളോടെ തിരുത്തുറൈപൂണ്ടി സര്‍ക്കാര്‍ ആശുപത്രിയില്‍ പ്രവേശിപ്പിച്ചു. വീരയൂര്‍ പോലീസ് അന്വേഷണം ആരംഭിച്ചു.