ജി.എസ്.ടി നടപ്പാക്കി; റെയിൽവേ ബജറ്റ് ലയിപ്പിച്ചു; പ്രണബ് മുഖർജിയും ചിദംബരവും തോറ്റിടത്ത് വിജയക്കൊടി പാറിച്ച് ജെയ്റ്റ്ലി

അരുൺ ജെയ്റ്റ്ലിയുടെ സംഭാവനകൾ

• നിയമമന്ത്രിയായിരിക്കെ നിരവധി പരിഷ്കാരങ്ങൾ നടപ്പാക്കി. അഭിഭാഷക ക്ഷേമനിധിയും ഇൻവെസ്റ്റർ പ്രൊട്ടക്ഷൻ ഫണ്ടും ഏർപ്പെടുത്തി.
• അതിവേഗ കോടതികൾ രൂപീകരിക്കാൻ പദ്ധതി. കോടതി നടപടികൾ കംപ്യൂട്ടർവത്കരിച്ചു.
• മോട്ടോർ വാഹന നിയമത്തിലും നെഗോഷ്യബിൾ ഇൻസ്ട്രുമെന്റ്സ് ആക്ടിലും ഭേദഗതി വരുത്തി.
• ഛത്തീസ് ഗഢ്, ഝാർഖണ്ഡ്, ഉത്തരാഖണ്ഡ് ഹൈക്കോടതികൾ രൂപീകരിച്ചത് ജെയ്റ്റ്ലിയുടെ നിർദേശപ്രകാരം.
• എട്ടുനിയമസഭാ തെരഞ്ഞെടുപ്പുകളിൽ ബിജെപിക്കായി തന്ത്രങ്ങൾ മെനഞ്ഞു.
• 2002ലെ നിയമസഭാ തെരഞ്ഞെടുപ്പിൽ‌ നരേന്ദ്രമോദിക്ക് 182ൽ 126 സീറ്റും നേടി അധികാരത്തിൽ വരുന്നതിന് പിന്നിൽ പ്രവർത്തിച്ചു.

advertisement

• 2007ൽ വീണ്ടും മോദി സർക്കാർ അധികാരത്തിൽ വരുന്നതിന് പിന്നിലും ജെയ്റ്റ‌്ലിയുടെ തന്ത്രങ്ങൾ.
• 2003ൽ മധ്യപ്രദേശിൽ മൂന്നിൽ രണ്ട് ഭൂരിപക്ഷത്തോടെ ഉമാഭാരതിയെ അധികാരത്തിലേറ്റി.
• 2004ൽ കർണാടക നിയമസഭാ തെരഞ്ഞെടുപ്പിന്റെ ചുമതല വഹിച്ചു. 83 സീറ്റ് നേടി ബിജെപി ഏറ്റവും വലിയ ഒറ്റക്കക്ഷിയായി. 18 ലോക്സഭാ സീറ്റുകളും ബിജെപി നേടി.
• ബിസിസിഐ വൈസ് പ്രസിഡന്റായും പ്രവർത്തിച്ചിട്ടുണ്ട്.