ഒബാമയുമായി എപ്പോഴൊക്കെ കണ്ടിട്ടുണ്ടോ അപ്പോഴെല്ലാം ഇക്കാര്യം ചോദിക്കും. കൂടുതൽ സമയം ഉറങ്ങണമെന്ന് അദ്ദേഹം ആവശ്യപ്പെട്ടത് നടപ്പാക്കുന്നുണ്ടോ എന്ന് ആരായുകയും ചെയ്യും. എന്നാൽ, ദിവസം 3 -4 മണിക്കൂറിൽ കൂടുതൽ തന്‍റെ ശരീരത്തിന് ഉറക്കം ആവശ്യമില്ലെന്നും മോദി അഭിമുഖത്തിൽ പറയുന്നു.
കുടുംബാംഗങ്ങളുമൊത്ത് വളരെ കുറച്ച് സമയം മാത്രമേ ചെലവഴിക്കാൻ കഴിഞ്ഞിട്ടുള്ളൂ എന്നും അഭിമുഖത്തിൽ മോദി സ്മരിക്കുന്നു. അമ്മയ്ക്കും സഹോദരങ്ങൾക്കും മറ്റു ബന്ധുക്കൾക്കുമൊപ്പമുള്ള ജീവിതം വളരെ ചെറുപ്പത്തിൽ തന്നെ തനിക്ക് നഷ്ടപ്പെട്ടിരുന്നു. എന്തിനാണ് തനിക്കൊപ്പം ചെലവഴിച്ച് സമയം കളയുന്നതെന്ന് അമ്മ തന്നോട് പലപ്പോഴായി ചോദിക്കാറുണ്ടായിരുന്നെന്നും അദ്ദേഹം പറഞ്ഞു.
advertisement
പ്രധാനമന്ത്രി പദവും വിരമിക്കലും; അക്ഷയ് കുമാറുമായി നടത്തിയ അഭിമുഖത്തില്‍ മോദി പറഞ്ഞ 5 കാര്യങ്ങള്‍
താൻ തമാശകൾ ധാരാളമായി പറയുന്ന ആളാണെന്നും എന്നാൽ വളച്ചൊടിക്കപ്പെടാം എന്നതിനാൽ സംസാരത്തിനിടയിൽ ഇപ്പോൾ തമാശ പറയാറില്ലെന്നും മോദി പറഞ്ഞു. സോഷ്യൽ മീഡിയയുടെ കാര്യത്തിൽ വളരെ ശ്രദ്ധ പുലർത്താറുണ്ട്. ട്വിറ്റർ അക്കൗണ്ട് കൃത്യമായി ശ്രദ്ധിക്കാറുണ്ടായിരുന്നെന്നും തന്നേക്കുറിച്ചുള്ള ട്രോളുകൾ ആസ്വദിക്കാറുണ്ടെന്നും മോദി പറഞ്ഞു.