മഹാരാഷ്ട്ര, ഹരിയാന ബിജെപി വിജയമുറപ്പിച്ചത് നരേന്ദ്ര മോദിയുടെ ജനപ്രീതി; രാഹുലിന്റെ 'ഭരണഘടനാ വിവരണം' പരാജയപ്പെട്ടു: സർവേ

2024 ലോക്‌സഭാ തെരഞ്ഞെടുപ്പിൽ പാർട്ടിയുടെ പ്രകടനം താരതമ്യേന താഴ്ന്ന നിലയിലായിരുന്നിട്ടും, ഈ സംസ്ഥാനങ്ങളിൽ ബിജെപിയുടെ കാര്യമായ വിജയത്തിലേക്ക് നയിച്ച കാര്യങ്ങളെക്കുറിച്ചുള്ള ചില ഉൾക്കാഴ്ചകളുമായി മാട്രിസ് സർവേ വന്നിട്ടുണ്ട്.

പ്രധാനമന്ത്രി നരേന്ദ്ര മോദിയുടെ സ്വാധീനം, ബിജെപിക്ക് ഫലപ്രദമായി വെല്ലുവിളി ഉയർത്തുന്നതിൽ കോൺഗ്രസ് നേതൃത്വത്തിലുള്ള പ്രതിപക്ഷത്തിൻ്റെ പരാജയം തുടങ്ങി നിരവധി ഘടകങ്ങൾ സർവേ എടുത്തുകാണിക്കുന്നു.

രണ്ട് തിരഞ്ഞെടുപ്പുകൾക്കിടയിലുള്ള വോട്ടർമാരുടെ വികാരത്തിലെ മാറ്റങ്ങളും ഏജൻസി ശ്രദ്ധയിൽപ്പെടുത്തിയിട്ടുണ്ട്.

‘ഭരണഘടനാ മാറ്റങ്ങളുടെ’ ആഖ്യാനം മുതലെടുക്കാനുള്ള കോൺഗ്രസിൻ്റെ ശ്രമവും നിയമസഭാ തെരഞ്ഞെടുപ്പിൽ ഒരു സ്വാധീനവും ചെലുത്താനായില്ല.

advertisement

2024 നവംബർ 25 നും 2024 ഡിസംബർ 14 നും ഇടയിൽ മഹാരാഷ്ട്രയിൽ 76,830 ഉം ഹരിയാനയിൽ 53,647 ഉം സാമ്പിൾ സൈസ് എടുത്താണ് സർവേ നടത്തിയത്.

മാട്രിസ് സർവേയിൽ നിന്നുള്ള പ്രധാന കണ്ടെത്തലുകൾ

1. പ്രധാനമന്ത്രി മോദിയുടെ സ്ഥായിയായ ജനപ്രീതി

ഈ വർഷം നടന്ന ലോക്‌സഭാ തിരഞ്ഞെടുപ്പിൽ 240 സീറ്റുകൾ മാത്രമാണ് ബിജെപി നേടിയതെങ്കിലും, മഹാരാഷ്ട്രയിലും ഹരിയാനയിലും വോട്ടർമാർക്കിടയിൽ പ്രധാനമന്ത്രി മോദി വൻ ജനപ്രീതി ഉണ്ടായി എന്ന് സർവേ പറയുന്നു. ശക്തനായ സ്വാധീനമുള്ള നേതാവെന്ന നിലയിലുള്ള അദ്ദേഹത്തിൻ്റെ പ്രതിച്ഛായ മാറ്റമില്ലാതെ തുടർന്നു. നിയമസഭാ തിരഞ്ഞെടുപ്പ് ഫലങ്ങളിൽ നിർണായക പങ്കുവഹിച്ച പ്രധാനമന്ത്രി മോദിയിൽ ഇരു സംസ്ഥാനങ്ങളിലെയും വോട്ടർമാർ അചഞ്ചലമായ വിശ്വാസം നിലനിർത്തിയെന്ന് സർവേ വെളിപ്പെടുത്തുന്നതിനാൽ ഇത് വളരെ പ്രധാനപ്പെട്ട ഒരു കണ്ടെത്തലാണ്. മഹാരാഷ്ട്രയിൽ സർവേയിൽ പങ്കെടുത്ത 55 ശതമാനം വോട്ടർമാരും പ്രധാനമന്ത്രി മോദിയുടെ ജനപ്രീതിയിൽ കുതിച്ചുചാട്ടം ഉണ്ടായതായി കണ്ടെത്തി. അതുപോലെ, സർവേയിൽ പങ്കെടുത്ത ഹരിയാനയിലെ 53 ശതമാനം പേരും മോദിയുടെ പ്രഭാവത്തിൽ വളർച്ച രേഖപ്പെടുത്തി.

2. ഭരണഘടനയെക്കുറിച്ചുള്ള കോൺഗ്രസിൻ്റെ ആഖ്യാനത്തിന് ഇളക്കം

മാട്രിസ് സർവേയിൽ കണ്ടെത്തിയ ഏറ്റവും പ്രധാനപ്പെട്ട ഘടകങ്ങളിലൊന്ന്, ലോക്‌സഭാ തെരഞ്ഞെടുപ്പിൽ കോൺഗ്രസ് നേതാവ് രാഹുൽ ഗാന്ധി പറഞ്ഞ ആഖ്യാനത്തിന് തിരിച്ചടിയേറ്റതാണ്. മോദി സർക്കാർ ഭരണഘടനയിൽ മാറ്റം വരുത്താൻ ഉദ്ദേശിക്കുന്നുവെന്ന ഒരു വിവരണം കോൺഗ്രസ് ഉണ്ടാക്കിയിരുന്നു. അവകാശവാദം പാർലമെൻ്റ് തെരഞ്ഞെടുപ്പിൽ കുറച്ച് നേട്ടമുണ്ടാക്കിയതായി തോന്നുന്നു. എന്നാൽ, മഹാരാഷ്ട്രയിലെയും ഹരിയാനയിലെയും നിയമസഭാ തെരഞ്ഞെടുപ്പുകളിൽ ഇതിന് ഒരു സ്വാധീനവും സൃഷ്ടിക്കാനായില്ല. രണ്ട് സംസ്ഥാനങ്ങളിലും, ഭരണഘടനാ മാറ്റങ്ങൾ, കാർഷിക നിയമങ്ങൾ, ഗുസ്തിക്കാരുടെ 'പ്രശ്നങ്ങൾ' തുടങ്ങിയ വിഷയങ്ങൾ മുന്നോട്ട് കൊണ്ടുപോകാനുള്ള കോൺഗ്രസിൻ്റെ ശ്രമങ്ങൾ അത്ര ഫലവത്തായില്ല. നിയമസഭാ തെരഞ്ഞെടുപ്പിൽ വോട്ടർമാർ ഈ വിഷയങ്ങളെ കാര്യമായി പരിഗണിച്ചില്ല.ഇത് പിന്തുണ ബിജെപിയിലേക്ക് മാറുന്നതിന് കാരണമായി.

3. കോൺഗ്രസ് നേതൃത്വത്തെക്കുറിച്ചുള്ള ധാരണ

പ്രതിപക്ഷത്തിൻ്റെ മുഖമായി കണ്ടിരുന്ന കോൺഗ്രസ് എംപി രാഹുൽ ഗാന്ധിയിൽ മഹാരാഷ്ട്രയിലും ഹരിയാനയിലും വലിയ വിശ്വാസമില്ലായ്മയാണ് സർവേയിലെ മറ്റൊരു പ്രധാന കണ്ടെത്തൽ. അദ്ദേഹത്തെ പ്രധാനമന്ത്രി മോദിക്ക് ഒരു ബദൽ എന്ന നിലയി വിശ്വസനീയമായി അവതരിപ്പിക്കുന്നതിൽ പരാജയപ്പെട്ടതും പ്രതിപക്ഷത്തിൻ്റെ മോശം പ്രകടനത്തിന് കാരണമായി. കോൺഗ്രസ് നേതൃത്വത്തെ കുറിച്ച് വോട്ടർമാർ സംശയം പ്രകടിപ്പിച്ചു, രാഹുൽ ഗാന്ധി അടിസ്ഥാന യാഥാർത്ഥ്യങ്ങളിൽ നിന്നകന്ന് നിന്നതായി കാണപ്പെട്ടു, പ്രത്യേകിച്ചും പ്രധാനമന്ത്രി മോദിയുടെ ശക്തവും നിർണ്ണായകവുമായ പ്രതിച്ഛായയുമായി താരതമ്യപ്പെടുത്തുമ്പോൾ. ഈ സംസ്ഥാനങ്ങളിൽ ബിജെപിയുടെ വിജയത്തിൽ ഈ ഘടകം നിർണായക പങ്ക് വഹിച്ചു.

4. ലോക്‌സഭാ, നിയമസഭാ തിരഞ്ഞെടുപ്പുകൾക്കിടയിൽ വോട്ടർമാരുടെ വികാരത്തിൽ മാറ്റം

ലോക്‌സഭാ തിരഞ്ഞെടുപ്പിൽ ബി.ജെ.പിക്ക് വോട്ട് ചെയ്യാതിരുന്നതിൻ്റെ പിഴവ് വരുത്തിയ മഹാരാഷ്ട്രയിലെയും ഹരിയാനയിലെയും നിരവധി വോട്ടർമാർ നിയമസഭാ തെരഞ്ഞെടുപ്പിൽ തങ്ങളുടെ തീരുമാനം തിരുത്തിയതായും സൂചനയുണ്ട്. പ്രധാനമന്ത്രി മോദിയുടെ നേതൃത്വത്തിൽ വർദ്ധിച്ചുവരുന്ന ആത്മവിശ്വാസം ഈ മാറ്റത്തിന് പിന്നിലെ ഒരു പ്രധാന കാരണമാണ് കേന്ദ്ര ഗവൺമെൻ്റിൻ്റെ മികച്ച പ്രവർത്തനം തങ്ങളുടെ ജീവിതത്തിന് നല്ല സംഭാവന നൽകുന്നതായി വോട്ടർമാർക്ക് തോന്നി. ഐക്യമുള്ളതും വിശ്വസനീയവുമായ ഒരു ബദൽ വാഗ്ദാനം ചെയ്യുന്നതിൽ പ്രതിപക്ഷത്തിൻ്റെ കഴിവില്ലായ്മ സംസ്ഥാന തെരഞ്ഞെടുപ്പിൽ ബി.ജെ.പിക്ക് വ്യക്തമായ മുൻഗണന നൽകുന്നതിന് കാരണമായി.

5. ബി.ജെ.പി നൽകിയ തന്ത്രപരമായ സന്ദേശവും നേതൃത്വവും

നിയമസഭാ തെരഞ്ഞെടുപ്പിൽ ബിജെപി നൽകിയ സന്ദേശത്തിന്റെ ശക്തമായ ആഘാതവും മാട്രിസ് സർവേ എടുത്തുകാണിക്കുന്നു. പ്രത്യേകിച്ച് മഹാരാഷ്ട്രയിലും ഹരിയാനയിലും “ഏക് ഹേ ടു സേഫ് ഹെയ് (ഒന്നിച്ചിരിക്കുമ്പോൾ ഞങ്ങൾ സുരക്ഷിതരാണ്)” എന്ന മുദ്രാവാക്യം വോട്ടർമാരുടെ അംഗീകാരം നേടി, ഈ വിവരണം പ്രധാനമന്ത്രി മോദിയുടെ നേതൃത്വത്തിൽ സ്ഥിരത, ദേശീയ സുരക്ഷ, സാമ്പത്തിക വളർച്ച എന്നിവയ്ക്ക് ഊന്നൽ നൽകി, ബിജെപിയെ സുരക്ഷിതമായ തിരഞ്ഞെടുപ്പായി ഉയർത്തി.

മറുവശത്ത്, കോൺഗ്രസിൻ്റെ ഭിന്നിപ്പിന്റെ ശബ്ദവും ആഭ്യന്തരമായുള്ള നേതൃത്വത്തിന് വേണ്ടിയുള്ള ഏറ്റുമുട്ടലുകളും വോട്ടർമാരെ അകറ്റാൻ സഹായിച്ചു. ബിജെപിയുടെ ആഖ്യാനം ഫലപ്രദമായി നേരിടുന്നതിൽ അവർ പരാജയമായിരുന്നു എന്ന് വ്യക്തം. കോൺഗ്രസിൻ്റെ ആഭ്യന്തര വിഭാഗീയതയോടുള്ള പൊതുജനങ്ങളുടെ അതൃപ്തി കണക്കിലെടുക്കുമ്പോൾ പ്രത്യേകിച്ചും.

6. പ്രാദേശിക നേതൃത്വവും സംഘടനാ ഘടകങ്ങളും

ഹരിയാനയിൽ മുഖ്യമന്ത്രി മനോഹർ ലാൽ ഖട്ടറിൽ നിന്ന് പുതിയ മുഖങ്ങളിലേക്കുള്ള നേതൃമാറ്റവും ബിജെപിയുടെ വിജയത്തിന് കാരണമായി. നേതൃമാറ്റം ബിജെപിയെ വിശ്വാസം വീണ്ടെടുക്കാൻ സഹായിച്ചതായി സർവേ കണ്ടെത്തി, നേതൃമാറ്റം കാര്യമായ ഗുണപരമായ സ്വാധീനം ചെലുത്തിയെന്ന് 44 ശതമാനം പേർ സമ്മതിച്ചു. മാത്രമല്ല, ശക്തരായ പ്രാദേശിക ബി.ജെ.പി നേതാക്കളുടെ സാന്നിധ്യവും സുസംഘടിതമായ പ്രചാരണവും പാർട്ടിക്ക് ഉറച്ച അടിത്തറ കെട്ടിപ്പടുക്കാനും കൂടുതൽ വിജയം ഉറപ്പാക്കാനും സഹായിച്ചു.

7. സർക്കാർ പദ്ധതികളുടെയും പ്രാദേശിക പിന്തുണയുടെയും പങ്ക്

പ്രാദേശിക പ്രശ്‌നങ്ങളിലും ക്ഷേമ പദ്ധതികളിലും ബിജെപി ശ്രദ്ധ കേന്ദ്രീകരിച്ചതും വോട്ടർമാരുടെ പിന്തുണ നേടുന്നതിൽ നിർണായക പങ്ക് വഹിച്ചു. രണ്ട് സംസ്ഥാനങ്ങളിലും, ബി.ജെ.പി ഗവൺമെൻ്റിൻ്റെ സംരംഭങ്ങൾ, പ്രത്യേകിച്ച് കൃഷി, അടിസ്ഥാന സൗകര്യ വികസനം, ഗ്രാമവികസനം എന്നീ മേഖലകളിൽ നല്ല ഫലമുണ്ടാക്കി. ഈ പദ്ധതികൾ വോട്ടർമാരിൽ മതിപ്പുളവാക്കി, അവർ സർക്കാർ നയങ്ങളിൽ നിന്ന് പ്രയോജനം നേടിയതായി അവർ കരുതി.

ഈ വിശദാംശങ്ങളെല്ലാം കണക്കിലെടുത്ത്, മഹാരാഷ്ട്രയിലെയും ഹരിയാനയിലെയും നിയമസഭാ തെരഞ്ഞെടുപ്പുകളിൽ എന്തുകൊണ്ടാണ് ബിജെപി വിജയിച്ചത് എന്നതിൻ്റെ വ്യക്തമായ ചിത്രം മാട്രൈസ് സർവേ നൽകിയിട്ടുണ്ട്.

പരസ്പരബന്ധിതമായ നിരവധി ഘടകങ്ങൾ ഈ വിജയത്തിന് കാരണമായി: പ്രധാനമന്ത്രി മോദിയുടെ നിലനിൽക്കുന്ന ജനപ്രീതിയും അദ്ദേഹത്തിൻ്റെ നേതൃത്വത്തിലുള്ള തുടർച്ചയായ വിശ്വാസവും, പ്രതിപക്ഷത്തിൻ്റെ ആഖ്യാനത്തിന്, പ്രത്യേകിച്ച് ഭരണഘടനാ മാറ്റങ്ങൾ മുതലാക്കാനുള്ള കോൺഗ്രസിൻ്റെ ശ്രമത്തിന് കാര്യമായ തിരിച്ചടിയുണ്ടായി. അതിന് നിയമസഭയിൽ സ്വാധീനം ചെലുത്താൻ കഴിഞ്ഞില്ല. മുൻ ലോക്‌സഭാ തിരഞ്ഞെടുപ്പിൽ വോട്ടർമാർ തങ്ങളുടെ തെറ്റ് തിരുത്തൽ നടത്തി, പ്രത്യേകിച്ച് ബി.ജെ.പി.യുടെ വിജയകരമായ ഭരണത്തിൻ്റെയും സ്ഥിരതയുടെ സന്ദേശത്തിൻ്റെയും വെളിച്ചത്തിലും നേതൃമാറ്റത്തിൻ്റെ ഫലപ്രദമായ മാറ്റത്തിലും ബിജെപി നൽകിയ സന്ദേശവും പിന്തുണ ഏകീകരിക്കുന്നതിനുള്ള ക്ഷേമ പദ്ധതികളും ഇതിൽ പെടുന്നു.

Summary: Survey finds PM Modi's popularity secured BJP's win in Maharashtra, Haryana; Rahul’s Constitutional narrative failed

(വാർത്താ ഏജൻസിയായ IANS പ്രസിദ്ധീകരിച്ച വാർത്തയുടെ പരിഭാഷ)