ശബരിമലയിലും മുത്തലാഖിലും വ്യത്യസ്ത നിലപാടെന്ന് പ്രധാനമന്ത്രി

ശബരിമലയിലേത് ക്ഷേത്രാചാരമാണ്. ചില ക്ഷേത്രങ്ങൾക്ക് അതിന്‍റേതായ ആചാരങ്ങളുണ്ട്. ശബരിമല വിഷയത്തിൽ ഇന്ദു മൽഹോത്രയുടെ വിധിയിലെ നിരീക്ഷണങ്ങൾ ചർച്ച ചെയ്യപ്പെടണമെന്നും പ്രധാനമന്ത്രി പറഞ്ഞു.

അതേസമയം, മുത്തലാക്കും ശബരിമലയും വ്യത്യസ്‌ത വിഷയമാണെന്നും പ്രധാനമന്ത്രി വ്യക്തമാക്കി. മുത്തലാഖ് വിശ്വാസ വിഷയമല്ല, ലിംഗസമത്വത്തിന്‍റെ പ്രശ്‌നമാണ്. മുസ്‌ലിം രാജ്യങ്ങൾ പോലും നിരോധിച്ചതാണ് മുത്തലാഖ്. അതുകൊണ്ടു തന്നെ, മുത്തലാഖ് മതവിശ്വാസത്തിന്‍റെ പ്രശ്നമല്ല.

ഇത് ലിംഗസമത്വത്തിന്‍റെയും സാമൂഹ്യസമത്വത്തിന്‍റെയും പ്രശ്നമാണ്. മുത്തലാഖ് ഒരിക്കലും വിശ്വാസത്തിന്‍റെ പ്രശ്നമല്ലെന്നും പ്രധാനമന്ത്രി പറഞ്ഞു.