മരിക്കും മുമ്പ് അമ്മയ്ക്ക് സന്ദേശമയച്ചു; 4 മാസം മുൻപ് വിവാഹിതയായ 21കാരി ജീവനൊടുക്കി

പെരിയ ആയംപാറ വില്ലാരംപെതി സ്വദേശികളായ കെ. രവിയുടെയും സീനയുടെയും ഏകമകളാണ് നന്ദന. പ്രണയത്തിലായിരുന്ന നന്ദനയും രഞ്ജേഷും ഏപ്രിൽ 26-നാണ് വിവാഹിതരായത്.

ഞായറാഴ്ച രാവിലെ നന്ദന അമ്മയ്ക്ക് സന്ദേശം അയച്ചതിനെത്തുടർന്ന് കുടുംബം ഉടൻതന്നെ രഞ്ജേഷിന്റെ വീട്ടുകാരെ വിവരം അറിയിച്ചു. തുടർന്ന് നടത്തിയ അന്വേഷണത്തിലാണ് നന്ദനയെ മുറിയിൽ തൂങ്ങിയ നിലയിൽ കണ്ടെത്തിയത്. മുറി അകത്തുനിന്ന് പൂട്ടിയതിനാൽ വാതിൽ പൊളിച്ചാണ് വീട്ടുകാർ അകത്തുകയറിയത്.

സംഭവത്തിൽ മേൽപ്പറമ്പ് പോലീസ് കേസെടുത്തു. ആർ.ഡി.ഒ. ബിനു ജോസഫ്, എസ്.ഐ. കെ.എൻ. സുരേഷ് കുമാർ എന്നിവരുടെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി.

advertisement