പിണക്കമില്ല, സുധീർ കരമനയുടെ പ്രചരണത്തിന് ആന്റണി രാജുവും

തിരഞ്ഞെടുപ്പ് പ്രചരണത്തിൽ നിന്ന് ആന്റണി രാജു വിട്ടുനിൽക്കുന്നുവെന്ന വാർത്തകൾ ചൂടുപിടിക്കുന്നതിനിടെയാണ് കൺവെൻഷനിൽ പങ്കെടുക്കുന്ന വിവരം പാർട്ടി തന്നെ അറിയിച്ചത്. തിരുവനന്തപുരം സെൻട്രൽ മണ്ഡലത്തിൽ സിറ്റിങ് എംഎൽഎ കൂടിയായ ആന്റണി രാജു പ്രചാരണ രംഗത്ത് സജീവമാകാത്തത് ഇടത് മുന്നണിയിൽ വലിയ ചർച്ചകൾക്ക് വഴിവെച്ചിരുന്നു. സ്ഥാനാർത്ഥിയായി എത്തിയ സുധീർ കരമനയ്ക്കായി നേരിട്ട് വോട്ട് ചോദിക്കാൻ ഇതുവരെയും ആന്റണി രാജു ഇറങ്ങിയില്ലെന്നതും അഭ്യൂഹങ്ങൾക്ക് കാരണമായി.

തൊണ്ടിമുതല്‍ തിരിമറി കേസിനെ തുടർന്ന് പ​ദവി നഷ്ടപ്പെട്ട ആന്റണി രാജു ഇടതുമുന്നണിക്കായി ഇതുവരെയും പ്രചാരണത്തിന് ഇറങ്ങിയിരുന്നില്ല. ഇതിനിടെ സിപിഎം ജില്ലാ കമ്മിറ്റിയുടെ ഫേസ്ബുക്ക് പേജിൽ സുധീർ കരമനയ്ക്കായി ആന്റണി രാജു വോട്ട് അഭ്യർഥിക്കുന്ന വീഡിയോ പ്രത്യക്ഷപ്പെട്ടിരുന്നു. എന്നാൽ നേരിട്ടുള്ള പ്രചാരണ പരിപാടികളിലോ യോഗങ്ങളിലോ അദ്ദേഹം പങ്കെടുത്തിരുന്നില്ല.

advertisement