'മരിച്ചാലും കോൺ​ഗ്രസ് വിടില്ല' എന്ന് പറഞ്ഞതിന്റെ രണ്ടാം നാൾ ബാബു ദിവാകരൻ എന്‍ഡിഎ യിലേക്ക് 

നിയമസഭാ തിരഞ്ഞെടുപ്പിൽ അടൂർ മണ്ഡലത്തിൽ മത്സരിക്കാൻ സീറ്റ് ലഭിക്കാത്തതിലുള്ള പ്രതിഷേധത്തെ തുടർന്നാണ് ബാബു ദിവാകരൻ പാർട്ടി വിട്ടത്. മണ്ഡലത്തിൽ നിന്നുള്ള യോഗ്യരായവരെ സ്ഥാനാർത്ഥികളായി പരിഗണിക്കാൻ നേതൃത്വം തയ്യാറാകുന്നില്ലെന്ന് ഇദ്ദേഹം ആരോപിച്ചിരുന്നു. മുൻ ഡിസിസി ജനറൽ സെക്രട്ടറി, യൂത്ത് കോൺഗ്രസ് മുൻ ജില്ലാ അധ്യക്ഷൻ, കെപിസിസി സാംസ്കാരിക സാഹിതി സംസ്ഥാന ജനറൽ സെക്രട്ടറി എന്നീ നിലകളിൽ പ്രവർത്തിച്ചിട്ടുള്ള മുതിർന്ന നേതാവാണ് ബാബു ദിവാകരൻ.