TRENDING:
സിപിഎമ്മുമായുമായുള്ള ബന്ധം പരിഗണിച്ച് ഇയാളെ തിരഞ്ഞെടുപ്പ് കമ്മീഷനിലേക്ക് ഡെപ്യൂട്ടേഷനില് വിടുകയായിരുന്നു. ഇയാളാണ് ബിജെപിയുടെ സീല് പതിപ്പിച്ച ഗൂഢാലോചനയ്ക്ക് പിന്നില്. ഇയാള്ക്ക് ബിജെപിയുടെ സീല് എവിടുന്ന് കിട്ടിയെന്ന് അന്വേക്ഷിക്കണം.
തിരഞ്ഞെടുപ്പ് കമ്മീഷനില് ബിജെപിക്കെതിരെ നടക്കുന്ന ഗൂഢാലോചനയാണ് ഇത് തെളിയിക്കുന്നത്. ഇതിന് പിന്നില് പ്രവര്ത്തിച്ചവര്ക്കെതിരെ ഉന്നതല അന്വേഷണം നടത്തണമെന്നും സുരേഷ് ആവശ്യപ്പെട്ടു.
തിരഞ്ഞെടുപ്പ് കമ്മീഷനിലെ ചില ഉദ്യോഗസ്ഥരും സിപിഎമ്മുമായും, സിപിഎമ്മും കോണ്ഗ്രസുമായും, എസ്ഡിപിഐയും ജമാ അത്തെ ഇസ്ലാമിയുമായും ഇടതും വലുതുമായും ചില ഡീലുകള് നടക്കുന്നു. എല്ലാ ഡീലുകളും ബിജെപിയെ എങ്ങനെ തോല്പ്പിക്കാം എന്നതിന് വേണ്ടിയാണ്. എന്നാല് ഈ ഡീലുകളെയെല്ലാം അതിജീവിച്ച് ബിജെപിയും എന്ഡിഎയും കേരളത്തില് അതിശക്തമായി മുന്നോട്ടുവരുമെന്നും അദ്ദേഹം പറഞ്ഞു.
advertisement
തൊഴില് മന്ത്രി ശിവന്കുട്ടി മത്സരിക്കുന്ന നേമത്ത് റിട്ടേണിംഗ് ഓഫീസര് ശിവന്കുട്ടിയുടെ കീഴുദ്യോഗസ്ഥാനായ ലേബര് ഓഫീസറാണ്. റിട്ടേണിംഗ് ഓഫീസര്ക്ക് കീഴില് പോളിംഗ് ഓഫീസര്മാരായി പ്രവര്ത്തിക്കുന്ന നൂറിലധികം ആള്ക്കാരും തൊഴില് വകുപ്പിലെ ഉദ്യോഗസ്ഥരാണ്. തൊഴില് മന്ത്രിയും തൊഴില് വകുപ്പ് ഉദ്യോഗസ്ഥരും ചേര്ന്ന് ജനാധിപത്യ പ്രകിയയെ അട്ടിമറിക്കുന്ന അപകടകരമായ പ്രവണത കാണാനുള്ള കണ്ണ് കേരളത്തിലെ മുഖ്യ തെരഞ്ഞെടുപ്പ് ഓഫീസര്ക്ക് ഇല്ലേയെന്നും എസ്.സുരേഷ് ചോദിച്ചു.
കേരളത്തില് പ്രത്യേകിച്ച് നേമത്ത് തെരഞ്ഞെടുപ്പിനെ അട്ടിമറിക്കാനുള്ള ഗൂഢാലോചനയാണ് സിപിഎമ്മും തെരഞ്ഞെടുപ്പ് കമ്മീഷന്റെ കേരളത്തിലെ ഉദ്യോഗസ്ഥരും ചേര്ന്ന് ചെയ്തുകൊണ്ടിരിക്കുന്നത്. ഇതിനെതിരെ ബിജെപി, എന്ഡിഎ കേന്ദ്ര തെരഞ്ഞെടുപ്പ് കമ്മീഷന് പരാതി നല്കിയിട്ടുണ്ട്.
ശിവന്കുട്ടി മത്സരിക്കുന്ന നേമത്ത് സര്ക്കാര് വാഹനങ്ങള് തെരഞ്ഞെടുപ്പ് പ്രചരണത്തിനായി ഉപയോഗിക്കുന്നതായി ബിജെപി ആരോപിച്ചു. ശിവന്കുട്ടിയുടെ പ്രൈവറ്റ് സെക്രട്ടറിയും മുന് പാര്ലമെന്റ് സ്ഥാനാര്ത്ഥിയുമായിരുന്ന രാമചന്ദ്രന് നായര് സര്ക്കാര് വാഹനത്തില് സഞ്ചരിച്ചാണ് തെരഞ്ഞെടുപ്പ് പ്രവര്ത്തനം നടത്തുന്നത്. മന്ത്രി എന്ന നിലയിലുള്ള ഔദ്യോഗിക ലറ്റര്പാഡിലാണ് നേമം നിയോജക മണ്ഡലത്തില് ശിവന്കുട്ടി അഭ്യര്ത്ഥന ഇറക്കിയത്. ഇതിനെതിരെയും തെരഞ്ഞെടുപ്പ് കമ്മീഷന് ബിജെപി പരാതി നല്കിയിട്ടുണ്ട്. ഇതുവരെയും നടപടിയുണ്ടായിട്ടില്ല.
രാഷ്ട്രീയ പ്രേരിതമായി പ്രവര്ത്തിക്കുന്ന ഉദ്യോഗസ്ഥരെ മുഴുവന് തെരഞ്ഞെടുപ്പ് സംവിധാനത്തില് നിന്നും മാറ്റാന് കേന്ദ്ര തെരഞ്ഞെടുപ്പ് കമ്മീഷന് ഇടപെടണമെന്നും
സുരേഷ് ആവശ്യപ്പെട്ടു.
Click here to add News18 as your preferred news source on Google.