കേന്ദ്രഭരണനേട്ടങ്ങള്‍ പരമാവധി ഉയര്‍ത്തികാട്ടുകയാണ് ബിജെപിയുടെ തന്ത്രം. ഇതിനായി വിപുലമായ തയ്യാറെടുപ്പുകളാണ് നടത്തുന്നത്. 12 മുതല്‍ ബൂത്ത് തലസര്‍വ്വേ നടത്തും. കേന്ദ്രാവിഷ്‌കൃതപദ്ധതികളുടെ സംസ്ഥാനത്തെ ഗുണഭോക്താക്കളുടെ ലിസ്റ്റ് ദേശീയ നേതൃത്വം കൈമാറിയിട്ടുണ്ട്. ഇതിന്റെ അടിസഥാനത്തില്‍ ഗുണഭോക്താക്കളെ നേരിട്ടെത്തി സന്ദര്‍ശിക്കും. ഓരോ ബൂത്തിലും ഇതിനായി 10 ല്‍അധികം വരുന്ന ചുമതലക്കാരെ നിശ്ചയിച്ചുകഴിഞ്ഞു.
Also read: പശ്ചിമ ബംഗാളില്‍ തൃണമുല്‍ എംഎല്‍എയെ വെടിവെച്ച് കൊലപ്പെടുത്തി
കേന്ദ്രഭരണനേട്ടങ്ങള്‍ ഉയര്‍ത്തികാട്ടുന്നതിനായി പ്രധാനകേന്ദ്രങ്ങളില്‍ വീഡിയോ പ്രദര്‍ശനം അടക്കം ഒരുക്കിയാണ് പ്രചരണം. ആദ്യ ഘട്ടത്തില്‍ വോട്ട് അഭ്യര്ഥിക്കുകയല്ല, മറിച്ച് കേന്ദ്രപദ്ധതി നേട്ടങ്ങള്‍ വിശദീകരിക്കുകയാണ് തന്ത്രം. കേന്ദ്രപദ്ധതി ഗുണഭോക്താക്കളുമായി നിരന്തര ആശയവിനിമയം നടത്തണമെന്നാണ് ദേശീയ നേതൃത്വത്തിന്റെ നിര്‍ദ്ദേശം.
advertisement
ഇതിലൂടെ മുന്‍ തെരഞ്ഞെടുപ്പുകളില്‍ ഇവര്‍ സ്വീകരിച്ചിരുന്ന നിലപാട്, കേന്ദ്രഭരണത്തെകുറിച്ചുള്ള ഇപ്പോഴുള്ള വിലയിരുത്തല്‍, വരുന്ന തെരഞ്ഞെടുപ്പില്‍ സ്വീകരിക്കാന്‍ പോകുന്ന നിലപാട് ഇക്കാര്യങ്ങളെല്ലാം മനസിലാക്കണം. ജില്ലാ-മണ്ഡല-ബൂത്ത് അടിസ്ഥാനത്തില്‍ ക്രോഡീകരിക്കുന്ന ഈ സര്‍വ്വേ റിപ്പോര്‍ട്ടിന്റെ അടിസ്ഥാനത്തിലായാരിക്കും തെരഞ്ഞെടുപ്പിന്റെ തുടര്‍ പ്രവര്‍ത്തനങ്ങള്‍.