കൊല്ലം അഞ്ചലിൽ കാർ താഴ്ചയിലേക്ക് മറിഞ്ഞ് കത്തി നശിച്ചു; കത്തിക്കരിഞ്ഞ നിലയിൽ മൃതദേഹം

റബർ മരങ്ങൾ മുറിച്ച സ്ഥലത്ത് താഴ്ചയിലേക്ക് കാറ് മറിഞ്ഞ് കത്തിയ നിലയിലായിരുന്നു മൃതദേഹം കണ്ടെത്തിയത്. അബദ്ധത്തിൽ കാറ് മറിഞ്ഞ് കത്തിയതാകാമെന്നാണ് പൊലീസിന്റെ പ്രാഥമിക നി​ഗമനം. എന്നാൽ സംഭവത്തിൽ ഏതെങ്കിലും തരത്തിലുള്ള ദുരൂഹതയുണ്ടോ എന്ന കാര്യത്തിൽ അന്വേഷണം നടക്കുകയാണ്.

സംഭവത്തിൽ ആത്മഹത്യയുടെ സാധ്യതയും പൊലീസ് തള്ളിക്കളയുന്നില്ല. കാറിന്റെ നമ്പർ പ്ലേറ്റ് അടക്കം കത്തിക്കരിഞ്ഞ നിലയിലാണ്. അധികം വീടുകളോ ആളുകളോ സമീപത്തില്ലാത്തിടത്താണ് അപകടം നടന്നത്.