തൻ്റെ അയൽക്കാരേയും തന്നെപ്പോലെത്തന്നെ സ്നേഹിക്കാനും അവർക്ക് തണലേകാനും ഓരോരുത്തർക്കും സാധിക്കണം. സാമ്പത്തികവും സാമൂഹികവുമായ സമത്വം കൈവരിക്കാനുള്ള പോരാട്ടങ്ങളിൽ ഏവരും പങ്കാളികളാകണം. എങ്കിൽ മാത്രമേ, നാടിൻ്റെ നന്മ ഉറപ്പു വരുത്താനും പുരോഗതി കൈവരിക്കാനും നമുക്കാവുകയുള്ളൂവെന്ന് ആശംസാ സന്ദേശത്തിൽ മുഖ്യമന്ത്രി പറഞ്ഞു.
സഹിഷ്ണുതയും സാഹോദര്യവും ശക്തിപ്പെടുത്തിയും പരസ്പരം സ്നേഹം പങ്കു വച്ചും ഈ ക്രിസ്മസ് നമുക്ക് ആഘോഷിക്കാം. എല്ലാവർക്കും ഹൃദയം നിറഞ്ഞ ക്രിസ്മസ് ആശംസകൾ നേരുന്നതായും മുഖ്യമന്ത്രി സന്ദേശത്തിൽ പറഞ്ഞു.
പ്രതിപക്ഷനേതാവ് വി ഡി സതീശന്‍റെ ക്രിസ്മസ് ആശംസ
advertisement
‘സ്നേഹത്തിന്റെയും കാരുണ്യത്തിന്റെയും ചേർത്ത് നിർത്തലിന്റെയും ആഘോഷമാണ് ക്രിസ്മസ്. ഈ ആശയങ്ങൾ പ്രചരിപ്പിക്കുന്ന ക്രൈസ്തവ ദർശനങ്ങളാണ് ക്രിസ്മസ് ദിനത്തിൽ എല്ലാവരുടെയും മനസ്സിൽ നിറയുന്നത്. ഈ സന്തോഷ വേളയിൽ ബന്ധുക്കൾക്കും സുഹൃത്തുക്കൾക്കുമൊപ്പം ക്രിസ്മസ് ആഘോഷിക്കാൻ എല്ലാവർക്കും കഴിയട്ടെ. ഊഷ്ളമായ ക്രിസ്മസ് ആശംസകൾ’.